پاکستان

پاکستانی خواتین نے ملک کی ترقی اور خوشحالی میں اہم کردار: آرمی چیف

08
مارچ

?️ 8 مارچ 2021

راولپنڈی{سچ خبریں} یوم خواتین پر اپنے پیغام میں جنرل قمر جاوید باجوہ نے کہا کہ یونیفارم میں خواتین نے قوم اور انسانیت کی بڑی خدمت کی ہے ، یونیفارم میں خواتین نے اپنی صلاحیتیں منوائی ہیں ۔ انہوں نے مزید کہا کہ پاکستانی خواتین عالمی وبا کے خلاف جنگ میں بھی پیش پیش ہیں ۔

خیال رہے کہ پاکستانی خواتین نے ملک کی ترقی اور خوشحالی میں اہم کردار ادا کیا ہے ۔ خواتین پاکستان کی آبادی کا 52 فیصد ہیں ، خواتین مختلف شعبوں میں مردوں کے شانہ بشانہ خدمات سرانجام دے رہی ہیں ۔

افواج پاکستان نے خواتین کو بھرپور کردار ادا کرنے کے مواقع فراہم کیے ہیں ، خواتین پہلے صرف طب کے شعبے سے وابستہ تھیں لیکن آج وہ مختلف شعبوں میں اپنی کارکردگی کے جوہر دکھا رہی ہیں۔

آرمی چیف جنرل قمر جاوید باجوہ نے کہا کہ پاکستانی خواتین نے قوم کی عزت اور وقار میں اضافے کیلئے بے پناہ خدمات سر انجام دی ہیں ، خواتین بہت قابل عزت و تکریم ہیں ۔

خواتین کور آف سگنلز ، الیکٹریکل اینڈ مکینیکل انجیئرنگ میں فرائض انجام دے رہی ہیں ۔ خواتین آرڈیننس ، آرمی سروسز کور ، میڈیکل کور میں خدمات انجام دے رہی ہیں ۔

اس کے علاوہ ایجوکیشن برانچ ، ایڈمن اینڈ سروسز ، پبلک ریلیشنز میں خواتین خدمات سر انجام دے رہی ہیں ۔

پاکستان سمیت پوری دنیا میں خواتین قیادت اور فیصلہ سازی میں بھی برابر کی شریک ہیں ۔ لیفٹیننٹ جنرل نگار جوہر اس کی زندہ مثال ہیں ، لیفٹیننٹ جنرل نگار جوہر اسلامی دنیا کی پہلی خاتون سرجن جنرل ہیں ۔

Short Link

Copied