ن لیگ ہمیشہ دھونس و دھاندلی کی سیاست کرتی آئی ہے، شبلی نواز

?️ 21 فروری 2021

اسلام آباد {سچ خبریں} وفاقی وزیر اطلاعات و نشریات شبلی فراز  نواز شریف کے بیانیے پر حملہ بولتے ہوئے کہا  کہ ڈسکہ میں نواز شریف کے بیانیے کو شکست ہوئی ہے۔ 

ڈسکہ میں وفاقی وزیر سائنس اینڈ ٹیکنالوجی فواد چودھری اور پنجاب کے مشیر اطلاعات فردوس عاشق اعوان کے ساتھ مشترکہ پریس کانفرنس سے خطاب میں شبلی فراز کا کہنا تھا کہ ن لیگ ہمیشہ دھونس و دھاندلی کی سیاست کرتی آئی ہے۔ 

‘ان کو پتہ چل گیا تھا کہ نواز شریف کے بیانیے کو شکست ہورہی ہے۔‘

اس موقع پر گفتگو کرتے ہوئے فواد چودھری نے کہا کہ ہمیں حسرت ہے کہ مریم نواز کبھی زندگی میں سچ بھی بولیں۔ ان کا کہنا تھا کہ جہاں ن لیگ جیتی وہ صاف شفاف ہے اور ڈسکہ میں جہاں پی ٹی آئی جیتی وہاں دھاندلی ہوئی ہے۔ 

فواد چودھری نے کہا کہ علی اسجد ملہی واضح طور پر انتخاب جیت چکے ہیں۔ ’ہمیں کچھ الیکشن میں شکست ہوئی لیکن ہم نے نتائج کو قبول کیا۔‘

فواد چودھری نے الیکشن کمیشن سے درخواست کی کہ ان این اے 75 سے پی ٹی آئی کے امیدوار علی اسجد ملہی کی جیت کا نوٹیفکیشن جاری کرے۔