16 تاریخ کو ملیر کی عوام  سچے اور جھوٹا کا فیصلہ کر دے گی: خرم شیر زمان

?️ 8 فروری 2021

کراچی (سچ خبریں) پاکستان تحریک انصاف کراچی کے صدر و رکن سندھ اسمبلی خرم شیر زمان نے کہا ہے کہ ملیر کے عوام پیپلز پارٹی کا اصل چہرہ دیکھ چکے ہیں۔ اب مزید ان کے جھوٹے وعدوں اور دعووں میں نہیں آئیں گے ملیر کے عوام پی ایس 88کے ضمنی انتخاب میں پاکستان تحریک انصاف کے امیدوار کو کامیاب کرکے بتا دیں گے۔

انہوں نے کہا کہ اس بار ملیر کے عوام پی ٹی آئی اور عمران خان کے نمائندے کو کامیاب کرواکے پیپلز پارٹی کو شکست دیں گے۔ یہ وقت ان لٹیروں کو بھگانے کا ہے۔

ان خیالات کا اظہار انہوں نے دیگر رہنماوں کے ہمراہ پی ایس 88ملیر کے مرکزی الیکشن آفس کے دورے کے موقع پر عوا م اور کارکنان سے ملاقات کے موقع پر بات چیت کرتے ہوئے کہیں۔ خرم شیر زمان کا مزید کہنا تھا کہ ملیر کی عوام باہر نکلے اور جان شیر جونیجو کو ووٹ دے کر کامیاب بنائیں۔ہماری گھر گھر الیکشن مہم جاری ہے۔

16 تاریخ کو پاکستان تحریک انصاف اور وزیراعظم عمران خان کی کامیابی کا دن ہوگا۔ ملیر کے لوگ پیپلزپارٹی کو رجیکٹ کریں گے۔ ان کا مزید کہنا تھا کہ شکست سے خوفزدہ پیپلز پارٹی اپنی حکومتی مشینری کے ذریعے مخالفین کو دبانے کی ناکام کوششیں کررہی ہے۔ پی ایس 88میں تجاوزات کے نام پر اپوزیشن کے خلاف کاروائیاں انتہائی قابل مذمت ہیں۔ اس قسم کے اوچھے ہتھکنڈوں سے پیپلز پارٹی ہمیں دبا نہیں سکتی۔

پاکستان تحریک انصاف کی قیادت اور کارکنان اس قسم کی انتقامی کاروائیوں سے ڈرنے والے نہیں۔ ملیر کے عوام پیپلز پارٹی کا اصل چہرہ دیکھ چکے ہیں۔ اب مزید ان کے جھوٹے وعدوں اور دعووں میں نہیں آئیں گے۔ ملیر کے عوام پی ایس 88کے ضمنی انتخاب میں پاکستان تحریک انصاف کے امیدوار کو کامیاب کرکے بتا دیں گے کہ سندھ لوگ اب تبدیلی کے خواہشمند اور سندھ کے لٹیرے حکمرانوں سے نجات چاہتے ہیں۔