ہمیشہ مظلوم کی حمایت کرنے والی عوام

🗓️ 14 اکتوبر 2023

سچ خبریں: پاکستان کے مسلمان عوام اس ملک کے چھوٹے اور بڑے شہروں میں نماز جمعہ کی ادائیگی کے بعد غاصب اسرائیلی حکومت کے خلاف فلسطینی مجاہدین کی کارروائیوں کی حمایت میں سڑکوں پر آئے اور غزہ کے عوام کے ساتھ اظہار یکجہتی کرتے ہوئے اسرائیل کے حملوں کی مغرب کی حمایت نیز عالمی فورمز کی خاموشی کی مذمت کی۔

پاکستانی مسلمانوں نے ایک بار پھر ناجائز صیہونی حکومت کے جرائم کی مذمت کی اور فلسطینی عوام کی حمایت کا اعلان کیا، ملک کے مختلف شہروں میں نماز جمعہ کی ادائیگی کے بعد اسرائیل کے خلاف وسیع پیمانے پر مظاہرے کیے گئے۔

یہ بھی پڑھیں: پاکستان کی غزہ میں فلسطینیوں پر اسرائیلی بمباری کی شدید مذمت، سیز فائر کا مطالبہ

پاکستان کے دارالحکومت اسلام آباد میں مارچ کرنے والوں نے صیہونیت مخالف نعرے لگاتے ہوئے غزہ کے عوام کے خلاف غاصب بیت المقدس حکومت کے جرائم اور صیہونیوں کے خلاف عالمی برادری کی خاموشی نیزصیہونی قبضے کے ساتھ مغرب بالخصوص امریکہ کی ملی بھگت کی شدید مذمت کی۔

پاکستانی نمازیوں نے غاصب صیہونی حکومت کے ساتھ بعض ممالک کے تعلقات کو معمول پر لانے پر بھی اپنے غصے اور نفرت کا اظہار کیا اور اسے عالم اسلام اور مسئلہ فلسطین کے ساتھ صریح خیانت قرار دیا جس کا تازہ نتیجہ غزہ کے مسلمانوں کا قتل عام ہے۔

اس مارچ کے شرکاء نے پلے کارڈز اٹھا رکھے تھے جن پر صیہونی اور امریکہ مخالف نعرے درج تھے اور فلسطین کے طوفان الاقصی آپریشن کی حمایت کرتے ہوئے امریکہ اور ناجائز صیہونی حکومت کے جھنڈے نذر آتش کئے۔

مزید پڑھین؛ صیہونیوں نے عالمی سلامتی کو خطرے میں ڈال دیا ہے:فلسطین فاؤنڈیشن پاکستان

قابل ذکر ہے کہ نماز جمعہ کے بعد لاہور، کراچی، پشاور، کوئٹہ، اسکردو، حیدر آباد، بہاولپور، مظفرآباد اور فیصل آباد کے شہروں میں زندگی کے مختلف شعبوں سے تعلق رکھنے والے ہزاروں افراد بالخصوص سیاسی جماعتوں اور مذہبی جماعتوں کے حامیوں نے فلسطین کی حمایت میں مارچ کیا اور صیہونی حکومت کے جرائم کی مذمت کی۔