?️
اسلام آباد: (سچ خبریں) گیس کی قیمتوں میں ہوشربا اضافے نے 4 ماہ میں پہلی بار ہفتہ وار مہنگائی 40 فیصد سے اوپر پہنچا دی۔میڈیا رپورٹس کے مطابق پاکستان ادارہ شماریات (پی بی ایس)کی جانب سے جاری اعدادوشمار سے ظاہر ہوتا ہے کہ 16 نومبر کو ختم ہونے والے ہفتے کے دوران مہنگائی کی شرح 41.9 فیصد رہی، اس کی بنیادی وجہ گیس کی قیمتوں میں ایک سال پہلے کے مقابلے میں 1100 فیصد سے زائد کا اضافہ ہے۔
دیگر اشیا جن کی قیمتوں میں سب سے زیادہ اضافہ ہوا ان میں سگریٹ (94.5 فیصد)، آٹا (86.4 فیصد)، پسی مرچ (81.7 فیصد)، ٹوٹا باسمتی چاول (76.7 فیصد)، لہسن (63.6 فیصد)، ایری 6/9 چاول (61.9 فیصد)، چائے (54.6 فیصد)، گڑ (51 فیصد)، اور چینی (50 فیصد) شامل ہیں۔
اس کے برعکس پیاز کی قیمتوں میں سالانہ بنیادوں پر 36.2 فیصد تنزلی ہوئی، اس کے علاوہ ٹماٹر (14 فیصد)، سرسوں کا تیل (3.95 فیصد)، گھی (2 فیصد) اور چنے کی دال (0.5 فیصد) کی قیمت کم ہوئی۔
ہفتہ وار بنیادوں پر ضروری اشیا کی قیمتوں میں رد و بدل کا اندازہ لگانے کے لیے حساس قیمت انڈیکس (ایس پی آئی) کو استعمال کیا جاتا ہے، ہفتہ وار مہنگائی میں پچھلے ہفتے کے مقابلے میں بھی زبردست اضافہ دیکھا گیا ہے، جو پچھلے ہفتے میں صرف 0.73 فیصد سے بڑھ کر 11 نومبر تا 17 نومبر کے ہفتے میں 10 فیصد تک پہنچ گئی۔
خیال رہے کہ ایس پی آئی کے تحت 51 ضروری اشیا کی قیمتیں ملک کے 17 شہروں کی 50 مارکیٹوں سے جائزہ لینے کے لیے حاصل کی جاتی ہیں۔
پی بی ایس کے اعداد و شمار سے معلوم ہوتا ہے کہ گزشتہ ہفتے کے مقابلے میں 25 اشیا کی قیمتوں میں اضافہ، 13 اشیا کی قیمتوں میں کمی اور 13 اشیا کی قیمتوں میں کوئی تبدیلی نہیں ہوئی۔
جن اشیا کی قیمتوں میں ہفتہ وار سب سے زیادہ اضافہ ہوا ان میں گیس (480 فیصد)، چائے کے پیکٹ (8.9 فیصد)، دال مسور (5.3 فیصد)، چکن (4 فیصد)، لہسن (3 فیصد)، پاوڈر نمک (2.9 فیصد)، آٹا (2.6 فیصد)، تیار چائے (2.07 فیصد)، ایل پی جی (2.03 فیصد) اور آلو (2 فیصد) شامل ہیں۔
دوسری جانب جن اشیا کی قیمتوں میں سب سے زیادہ کمی آئی ہے ان میں بجلی (-16 فیصد)، ٹماٹر (-11.2 فیصد)، چینی (-4.2 فیصد)، ڈیزل (-2.2 فیصد)، پیاز (-1.49 فیصد)، گھی (-1.39 فیصد)، پیٹرول (-0.73 فیصد)، کوکنگ آئل (-0.65 فیصد) شامل ہیں۔
ایس پی آئی کے اعدادوشمار کے مطابق سالانہ بنیادوں پر مہنگائی مئی کے شروع میں ریکارڈ 48.35 فیصد تک پہنچ گئی تھی لیکن پھر اگست کے آخر میں 24.4 فیصد تک کم ہو گئی تھی اور اب گزشتہ ہفتے 40 فیصد سے اوپر جا پہنچی۔
یکم نومبر سے نگران حکومت نے گیس کی قیمتوں میں 194 فیصد اضافہ کردیا، علاوہ ازیں پروٹیکٹڈ صارفین اور نان-پڑوٹیکٹڈ صارفین کے لیے گیس کی مقررہ ماہانہ قیمتوں میں 3900 فیصد تک غیرمعمولی اضافہ کردیا گیا ہے۔
مشہور خبریں۔
اسرائیل کے ساتھ گیس فیلڈز میں کبھی بھی شراکت داری نہیں کریں گے:لبنانی صدر
?️ 5 اکتوبر 2022سچ خبریں:لبنانی صدر نے صیہونی حکومت کے ساتھ سمندری سرحدیں کھینچنے کے
اکتوبر
سپریم کورٹ میں نیب ترامیم کیس کی سماعت
?️ 10 فروری 2023اسلام آباد: (سچ خبریں) نیب قوانین میں ترمیم کے خلاف پاکستان تحریک
فروری
سپریم کورٹ نے صدارتی نظام کے نفاذ کے لیے دائر درخواستوں کو مسترد کر دیا
?️ 27 ستمبر 2021اسلام آباد (سچ خبریں) تفصیلات کے مطابق پاکستان میں صدارتی نظام کے
ستمبر
میانمار کی سربراہ کے خلاف فرد جرم عائد
?️ 3 فروری 2021سچ خبریں:میانمار میں سکیورٹی کی صورتحال کے بعد اس ملک کی پولیس
فروری
امریکہ اور اس کے اتحادی یوکرین جنگ کو طول دینے کے درپے ہیں:روس
?️ 13 ستمبر 2022سچ خبریں:روس کی سلامتی کونسل کے سکریٹری نے کہا کہ امریکہ اور
ستمبر
نئی امریکی انتظامیہ اور پاکستان
?️ 26 جنوری 2021امریکہ میں نسل پرست اور متلون مزاج ری پبلکن صدر ٹرمپ کی
جنوری
مسئلہ فلسطین اور عرب حکمرانوں کی خیانت
?️ 24 مارچ 2021(سچ خبریں) دور حاضر میں مسئلہ فلسطین نت نئے پیچیدہ سیاسی نشیب
مارچ
معین اختر کا وزیر اعظم کے ساتھ دلچسپ مکالمہ
?️ 24 دسمبر 2021کراچی (سچ خبریں)پاکستان کے لیجنڈری کامیڈین و معروف اداکار معین اختر اور
دسمبر