کیا پی ٹی آئی پر پابندی لگائی جا سکتی ہے؟ عمر ایوب کی زبانی

?️ 18 جولائی 2024

سچ خبریں: قومی اسمبلی میں قائد حزب اختلاف عمر ایوب نے کہا ہے کہ پاکستان تحریک انصاف (پی ٹی آئی) ملک کی سب سے بڑی جماعت ہے اور اس پر کوئی پابندی نہیں لگا سکتا۔

اسلام آباد میں شبلی فراز کے ہمراہ میڈیا سے گفتگو کرتے ہوئے عمر ایوب نے کہا کہ سپریم کورٹ کی ہدایات کو نظر انداز کیا جا رہا ہے، انہوں نے کہا کہ ہمارا جلسہ اسلام آباد میں بھی ہوگا اور ہم ملک بھر میں جلسے کریں گے۔

یہ بھی پڑھیں: پی ٹی آئی پر پابندی کے اغراض و مقاصد

عمر ایوب نے مزید کہا کہ ہمارے ساتھیوں کے خلاف پنجاب حکومت کی جانب سے اینٹی کرپشن کے بوگس مقدمات درج کیے جا رہے ہیں۔

شبلی فراز نے اس موقع پر کہا کہ گزشتہ دو سال میں نظام کو بری طرح سے مینیج کیا گیا ہے۔ حکمران طبقہ عوامی رائے کو تبدیل کرنے میں ناکام رہا ہے۔

مزید پڑھیں: کیا سیاسی جماعتوں پر بابندی لگانے سے مسائل حل ہو جائیں گے؟ جاوید لطیف کی زبانی

شبلی فراز نے مزید کہا کہ پارٹی پر پابندی لگانے کی بات انتہائی مضحکہ خیز ہے اور آئین و قانون کی پامالی کی جا رہی ہے۔ انہوں نے کہا کہ اس طرح ملک کو آگے لے جانا ممکن نہیں ہے۔