کوشش ہوگی گرتی معیشت کو روکیں اور اسکی سمت درست کریں: اسحاق ڈار

لندن: (سچ خبریں)سابق وزیر خزانہ اسحاق ڈار کا کہنا ہے کہ ان کی کوشش ہوگی کہ گرتی ہوئی معیشت کو روکیں اور اس کی سمت درست کریں۔

پاکستان روانگی سے قبل اسحاق ڈار کا کہنا تھا پاکستان چار سال سے جس بھنور سے گزرا ہے وہ کسی سے ڈھکا چھپا نہیں ہے۔. ان کا کہنا تھا اللہ کا خاص کرم ہے کہ جس دفتر سے نکل کر اپنے میڈیکل کے لیے لندن آیا تھا، آج اسی دفتر میں اللہ نے واپس بلوایا ہے۔

اسحاق ڈار کا کہنا تھا نواز شریف کی قیادت میں 2023 سے 2017 تک میں ہم دنیا کی 18ویں معیشت بننے جا رہےتھے، کم ترین شرح سود تھی اور گروتھ ریٹ بھی بلند تھی، دیگر مائیکرو انڈیکیٹرز بہترین اور بلند سطح پر تھے اور زرمبادلہ کے ذخائر بلند ترین سطح پر تھے، پاکستانی روپیہ بھی مستحکم تھا۔

انہوں نے کہا کہ کوشش ہو گی گرتی ہوئی ملکی معیشت کو روکیں اور اس کی سمت درست کریں۔ اسحاق ڈار کا کہنا تھا میرے خلاف 20 سال کے ٹیکس ریٹرنز جمع نہ کرانےکا جعلی کیس تھا، مین نے کبھی ٹیکس ریٹرن جمع کرانے میں تاخیر نہیں کی۔

تفصیلات کے مطابق پاکستان جانے کیلئے شہبازشریف اور اسحاق ڈار الگ الگ لوٹن ایئر پورٹ پہنچیں گے ، اسحاق ڈار نے وطن واپسی کیلئے بدھ کی نشست بک کروائی تھی ، نوازشریف نے اسحاق ڈار کو وزیراعظم کے ساتھ جانے کا مشورہ دیا ، اسحاق ڈار پاکستان پہنچ کر سینیٹر اور وزیر خزانہ کے عہدوں کا حلف اٹھائیں گے ۔

سابق وزیر خزانہ اور مسلم لیگ ن کے رہنما اسحاق ڈار وطن واپسی کیلئے اپنے بیٹے علی ڈار کے ہمراہ لوٹن ایئر پورٹ روانہ ہو گئے ہیں. گزشتہ روز ن لیگ کی اعلیٰ قیادت کے اجلاس میں مفتاح اسماعیل نے عہدے سے استعفیٰ دیا تھا۔ اسحاق ڈار کا کہناتھا کہ پاکستان چار سال سے جس بھنور سے گزر رہاہے وہ کسی سے ڈھکا چھپا نہیں ہے ۔