کشمیر بچانا ہوتا تو شادی میں مودی نہ آتا: فرخ حبیب

سندھ حکومت نے غریب کا جینا مشکل کر دیا ہے: فرخ حبیب

?️

لاہور (سچ خبریں)وزیرِ مملکت فرخ حبیب اپوزیشن پر تنقید کرتے ہوئے کہا ہے کہ مسترد شدہ لوگ کشمیر پہنچے ہوئے ہیں، کشمیر بچاؤ کے نام پر ابو بچاؤ مہم جاری ہے، کشمیریوں کو پتہ ہے کہ عمران خان ان کا اصل سفیر ہے، کشمیریوں کی جدوجہد رنگ لائے گی، مقبوضہ کشمیر میں مودی کے ریاستی جبر کے خلاف جدوجہد جاری رہے گی۔

فیصل آباد میں میڈیا سے گفتگو کرتےہوئے وزیرِ مملکت فرخ حبیب نے سوال کیا کہ کشمیر کا سودا اس وقت نہیں ہوا جب یہ ساڑھیاں بھارت بھیج رہے تھے؟ کشمیر بچانا ہوتا تو شادی میں مودی نہ آتا بلکہ یہ حریت رہنماؤں کو مدعو کرتے۔

انہوں نے کہا کہ یہ بہروپیئے ہیں، جہاں جاتے ہیں وہاں کا روپ دھار لیتے ہیں، جن کی پاکستان میں کوئی جائیداد نہیں وہ کشمیر بچانے نکلی ہیں، یہ لوگ چاہتے ہیں کہ ملک میں منی لانڈرنگ کا نظام جاری رہے۔فرخ حبیب نے کہا کہ نواز شریف کی کرپشن کی وارث مریم نواز ہیں، آصف علی زرداری کی کرپشن کے وارث پرچی چیئرمین بلاول بھٹو زرداری ہیں۔

انہوں نے کہا کہ مریم اور بلاول ٹیسٹ ٹیوب سیاست دان ہیں، جنہوں نے کبھی گرمی اور دھوپ نہیں دیکھی، یہ دونوں سکے کے دو رخ ہیں۔وزیرِ مملکت نے کہا کہ مریم صفدر سرٹیفائیڈ جھوٹی ہیں، مریم دلیر بنیں، ان کے وکیل 6 بار التواء لے چکے ہیں، گلگت بلتستان کی طرح آزاد کشمیر کے عوام بھی انہیں مسترد کریں گے۔

فرخ حبیب نے کہا کہ کارگل پر نواز شریف کلنٹن کے پاؤں پکڑنے پہنچ گئے تھے، یہ تین تین بار ملک پر حکومت کر چکے ہیں، جو امریکا کی آنکھوں میں آنکھیں ڈال کر بات کرتا ہے کیا وہ کشمیر کا سودا کرے گا؟

انہوں نے کہا کہ سیاست میں پیسہ لانے والے شریف خاندان کے لوگ ہیں، نواز شریف سیاست میں پیسہ لے کر آئے تھے، عوام ان کو سپورٹ نہیں کر رہے تو اِدھر اُدھر الزام لگا رہے ہیں۔وزیرِ مملکت کا کہنا ہے کہ کیا کشمیر کا سودا اس وقت نہیں ہوا جب مودی ان کے گھر آئے تھے، یہ لوگ بند کمرے میں مودی کے ساتھ سودے کرتے رہے ہیں۔

ان کا کہنا ہے کہ کشمیری قوم جانتی ہے کہ عمران خان ان کی آواز ہیں، وزیرِ اعظم امریکا کی آنکھوں میں آنکھیں ڈال کر باتیں کرتے ہیں، ہم پر امن افغانستان چاہتے ہیں۔فرخ حبیب کا مزید کہنا ہے کہ یہ لوگ جھوٹے الزامات لگاتے ہیں، شکست نظر آ رہی ہو تو یہ لوگ دھاندلی کا شور مچاتے ہیں۔انہوں نے یہ بھی کہا کہ خیبر پختون خوا میں صحت کارڈ کے لیے 22 ارب روپے رکھے گئے ہیں، دسمبر 2021ء تک پنجاب کی پوری آبادی کو صحت کارڈ دے دیا جائے گا۔

مشہور خبریں۔

قدس آپریشن کے بعد صہیونیوں کی بوکھلایٹ؛ 60 فیصد فوج مغربی کنارے میں تعینات

?️ 30 جنوری 2023سچ خبریں:جہاں نیتن یاہو نے قدس آپریشن کا مضبوط، فوری اور درست

مأرب کی آزادی پر امریکی تشویش کی وجوہات

?️ 4 جولائی 2021سچ خبریں:یمنی میڈیا نے یمنی فوج اور عوامی کمیٹیوں کے ذریعہ مأرب

ٹرمپ کو بھی نیٹو برداشت نہیں

?️ 19 جولائی 2023سچ خبریں: ڈونلڈ ٹرمپ نے ایک ویڈیو پیغام جاری کر کے جو

بھارتی طیاروں کیلئے پاکستان کی فضائی حدود کی بندش میں مزید توسیع

?️ 15 اکتوبر 2025اسلام آباد (سچ خبریں) بھارت کے رجسٹرڈ طیاروں کے لیے پاکستانی فضائی

امریکی جاسوس ڈرونز کے لیے جہنم

?️ 10 ستمبر 2024سچ خبریں: یمن کی مسلح افواج کے ترجمان نے دو روز میں

افغان طالبان کا بحران کو مذاکرات کے ذریعے حل کرنے کے لئے اپنے عزم کا اعلان

?️ 18 جولائی 2021سچ خبریں:افغان طالبان رہنما نے عید الاضحی کے موقع پر ایک مبارکبادی

حماس کی جانب سے جنگ بندی کے مذاکرات اور قیدیوں کے تبادلے معطل

?️ 18 فروری 2024سچ خبریں:غزہ میں جنگ بندی اور قیدیوں کے تبادلے کے لیے کسی

نیٹو ممالک کی روس سے دوستی کی اپیل، روسی وزارت خارجہ نے اہم بیان جاری کردیا

?️ 15 جون 2021ماسکو (سچ خبریں) نیٹو ممالک کے اہم اجلاس میں روس سے اپیل

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے