ڈی جی خان میں لینڈ سلائیڈنگ میں ہوٹل مافیا ملوث

?️

ڈی جی خان: (سچ خبریں)ڈپٹی کمشنر اور بارڈر ملٹری پولیس (بی ایم پی) کے سینئر کمانڈنٹ انور بریار نے بین الصوبائی ڈیرہ ۔ کوئٹہ روڈ پر فورٹ منرو میں مہنگے داموں خوردنی اور دیگر اشیا کی فروخت کے لیے انسانوں کی وجہ سے لینڈ سلائیڈنگ کے واقعات کی تحقیقات کا حکم دیا ہے۔

بڑی تعداد میں پتھر گرا کر سڑک بلاک کردی جاتی ہے اور بلاک شدہ سڑک پر ٹریفک جام میں پھنسے مسافروں کو مہنگے داموں اشیا فروخت کی جاتی ہیں۔

میڈیا رپورٹس  کے مطابق تحصیل کوہ سلیمان کے پولیٹیکل اسسٹنٹ اکرام ملک کو لینڈ سلائیڈنگ میں ملوث ہوٹل مافیا کے خلاف سخت کارروائی کی ہدایت کی گئی ہے۔

اکرام ملک کو لکھے گئے ایک خط میں انور بریار کا کہنا تھا کہ ٹرانسپورٹ مالکان نے الزام لگایا ہے کہ فورٹ منرو روڈ پر واقع ہوٹل مافیا نیشنل ہائی وے پر بارش کے بعد مسلسل لینڈ سلائیڈنگ کا ذمہ دار ہے۔

ٹرک ڈرائیور ہدایت اللہ کا کہنا تھا کہ ’یہاں سڑک اکثر بند رہتی ہے، پہاڑوں سے پتھر گرنے کے واقعات قدرتی نہیں ہیں بلکہ شہریوں کی جانب سے ایسا کیا جاتا ہے، جب ٹریفک جام ہوجاتا ہے تو ہوٹل مافیا مہنگی اشیا فروخت کرنے لگتا ہے۔‘

انہوں نے شکایت کی کہ آئے روز ٹریفک کے مسائل کی وجہ سے پھل اور سبزیاں سڑ جاتے ہیں۔

ڈیرہ ۔ کوئٹہ روڈ کی بندش سے جنوبی پنجاب میں سبزیوں اور پھلوں کی قلت اور قیمتوں میں شدید اضافہ ہوا ہے۔

دوسری جانب چیف سیکریٹری کامران علی افضل نے روجھان اور راجن پور میں فلڈ ریلیف کیمپ میں انتظامات کا جائزہ لیا۔

چیف سیکریٹری نے ایڈیشنل چیف سیکریٹری شہریار سلطان کے ہمرہ سیلاب متاثرین سے ملاقات کی۔

انہوں نے ریسکیو 1122 کو ناقابل رسائی علاقوں میں رسپانس بہتر بنانے کی ہدایت کی، ان کا کہنا تھا کہ سیلاب زدگان کے لیے ادویات کی دستیابی کو یقینی بنانے کے ساتھ ساتھ مویشیوں کے لیے ویکسی نیشن اور چارے کی فراہمی کا حصول بھی یقینی بنایا جائے۔

کامران علی افضل کا کہنا تھا کہ انتظامیہ فلاحی اداروں اور مخیر حضرات کی رہنمائی کرے۔

انہوں نے کوہ سلیمان کے متاثرہ علاقوں میں ہیلی کاپٹر کے ذریعے امدادی سامان پہنچانے اور کارروائی کو تیز کرنے کی ہدایت کی۔

کمشنر ڈیرہ غازی خان لیاقت علی چٹھہ نے چیف سیکریٹری کو بریفنگ دی، اُن کا کہنا تھا کہ ضلع راجن پور کے سیلاب متاثرین زدگان علاقوں میں 16 ہزار 685 خیمے، 48 ہزار 122 راشن بیگ، ایک ہزار 430 چٹائیاں، 6 ہزار 866 پانی کی بوتلیں اور 2 ہزار مچھر دانیاں تقسیم کی گئی ہیں۔

مشہور خبریں۔

سعودی حج و عمرہ کے وزیر کی حاجیوں کے لئے سفارشات

?️ 27 مئی 2023سچ خبریں:سعودی عرب کے وزیرحج و عمرہ نے خانہ خدا کے مہمانوں

تیونس کی حکومت النہضہ تحریک کو ختم کرنے کی کوشش کر رہی ہے: ہیومن رائٹس واچ

?️ 12 مئی 2023سچ خبریں:القدس العربی اخبار کے مطابق ہیومن رائٹس واچ نے اعلان کیا

اعجاز الحق پی ٹی آئی میں شامل، مسلم لیگ ضیا کا پی ٹی آئی میں انضمام

?️ 20 مارچ 2023اسلام آباد:(سچ خبریں) سابق فوجی آمر ضیاالحق کے بیٹے اعجاز الحق نے

عراقیوں کا ایرانی چیف جسٹس کا والہانہ استقبال

?️ 9 فروری 2021سچ خبریں:اسلامی جمہوریہ ایران کی عدلیہ کے سربراہ کے دورہ عراق کے

پنجاب کے 15 اضلاع میں آج سے لگے گا لاک ڈاون

?️ 4 ستمبر 2021لاہور (سچ خبریں) تفصیلات کے مطابق کورونا وباء کے پھیلاؤ کے باعث صوبہ

بلیو اکانومی کو اقتصادی ترقی کی حکمت عملی کے مرکزی ستون کے طور پر ترجیح دے رہے ہیں، وزیراعظم

?️ 13 ستمبر 2024اسلام آباد: (سچ خبریں) وزیر اعظم شہباز شریف نے انٹرنیشنل میری ٹائم

پورے ملک میں درجہ حرارت میں اضافہ؛ گرمی سے کیسے بچیں؟

?️ 21 جولائی 2024سچ خبریں: ملک بھر میں موسمیاتی تبدیلیوں کے باعث درجہ حرارت میں

غزہ زمین پر جہنم بن چکا ہے: ریڈ کراس

?️ 12 اپریل 2025سچ خبریں: غزہ کی پٹی میں ایک شدید اور بے مثال انسانی بحران

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے