ڈی جی آئی ایس پی آرنے شہیدوں کے اہلخانہ کے جذبے کو سلام پیش کیا

?️ 1 ستمبر 2021

راولپنڈی (سچ خبریں)یوم دفاع و شہداء کے حوالے سے  ڈی جی آئی ایس پی آرمیجر جنرل بابرافتخارکی جانب سے ویڈیوز کا سلسلہ جاری ہے چھٹی ویڈیو میں انہوں نے یوم دفاع و شہدا کے موقع پر شہیدوں کے اہلخانہ کے جذبے کو سلام پیش کیا اور ان کے حوصلے، صبر اور برداشت کو بھی سراہا۔

تفصیلات کے مطابق یوم دفاع و شہداکےحوالے سےمختصر دورانیے کی ویڈیوزجاری کرنےکاسلسلہ جاری ہے ، ویڈیوز میں شہدا، غازیوں اور ان اہلخانہ کی قربانیوں کو خراج عقیدت پیش کیا جارہا ہے۔ڈی جی آئی ایس پی آرمیجر جنرل بابرافتخار نے سماجی رابطے کی ویب سائٹ ٹوئٹر پر ایک اور مختصر دورانئے کی ویڈیو جاری کر دی، جس میں ڈی جی آئی ایس پی آر نےشہیدوں کےاہلخانہ کےجذبے کوسلام پیش کیا۔

چھٹی ویڈیو میں شہداکےاہلخانہ کےحوصلے،صبر اوربرداشت کی عکاسی کی گئی ہے اور بتایا گیا ہے کہ شہید کا وطن کےدفاع اورجان کی قربانی کاجذبہ جرات کی داستانیں رقم کرتا ہے۔یاد رہے اس سے قبل ڈی جی آئی ایس پی آرمیجر جنرل بابرافتخار نے مختصر دورانئے کی جارہ ویڈیو میں ڈی جی آئی ایس پی آر نے مسلح افواج کے غازیوں کو خراج تحسین پیش کیا تھا۔

ویڈیو بارڈر پر تعینات غازیوں کےخوشی کی اطلاع پرجذبات سےمتعلق تھی کہ اہلخانہ کس طرح اپنی خوشیاں غازیوں تک پہنچاتے ہیں ، جبکہ غازیوں کےجذبات اور بےمول لمحات کو ویڈیو میں بیان کیا گیا تھا۔