پی ٹی آئی اور جماعت اسلامی کا بلدیاتی انتخابات فوج کی زیرنگرانی کرانے کا مطالبہ

?️

اسلام آباد:(سچ خبریں) پاکستان تحریک انصاف (پی ٹی آئی) اور جماعت اسلامی نے کراچی اور حیدرآباد میں 15 جنوری کو ہونے والے بلدیاتی انتخابات کے دوران صوبے میں برسراقتدار پیپلزپارٹی کی جانب سے سرکاری مشینری کے استعمال کے ممکنہ خدشات کے پیشِ نظر پولنگ اسٹیشنز پر فوج تعینات کرنے کا مطالبہ کیا ہے۔

دونوں جماعتوں نے صوبے میں بلدیاتی انتخابات کے پہلے مرحلے کے دوران ہونے والے مہلک تشدد کا بھی حوالہ دیا جس میں پیپلزپارٹی کے ایک ہزار سے زائد امیدواروں کو بلامقابلہ منتخب کرالیا گیا تھا۔

پاکستان تحریک انصاف اور جماعت اسلامی نے علیحدہ علیحدہ پریس کانفرنسز میں حکمران جماعت کی جانب سے دھاندلی کا خدشہ ظاہر کرتے ہوئے ایک جیسا مطالبہ کیا۔

سینیئر پی ٹی آئی رہنما علی زیدی نے ایک پریس کانفرنس کے دوران کہا کہ ’قابل اعتماد ذرائع نے انکشاف کیا ہے کہ پیپلز پارٹی اور چند دیگر سیاسی جماعتیں ووٹرز کو انتخابی عمل سے دور رکھنے کے لیے تشدد اور افراتفری کا سہارا لے سکتی ہیں‘۔

انہوں نے کہا کہ یہ سب کچھ اس لیے کیا جا رہا ہے تاکہ پیپلزپارٹی انتخابات کے نتائج میں دھاندلی کر سکے کیونکہ وہ آزادانہ اور منصفانہ انتخابات میں پی ٹی آئی کو شکست نہیں دے سکتے۔

ان کا کہنا تھا کہ ہم پہلے ہی الیکشن کمیشن سے رابطہ کر کے کراچی اور حیدر آباد کے تمام پولنگ اسٹیشنز کو حساس قرار دینے کی درخواست کر چکے ہیں تاکہ ہر پولنگ اسٹیشن کے اندر اور باہر فوج اور رینجرز کی تعیناتی کو یقینی بنایا جا سکے۔

امیر جماعت اسلامی کراچی حافظ نعیم الرحمٰن نے سکھر، لاڑکانہ، شہید بینظیر آباد اور میرپورخاص ڈویژن میں بلدیاتی انتخابات کے پہلے مرحلے کے نتائج کا حوالہ دیتے ہوئے کہا کہ پیپلز پارٹی اپنے ایک ہزار سے زائد امیدواروں کو سرکاری مشینری کی مدد سے بلا مقابلہ منتخب کروا چکی ہے۔

انہوں نے کہا کہ ’ریٹرننگ افسران اور ڈسٹرکٹ ریٹرننگ افسران کا متعصبانہ رویہ 15 جنوری کے انتخابات کے حوالے سے پیپلز پارٹی کے ناپاک عزائم کی عکاسی کرتا ہے۔

انہوں نے مزید کہا کہ ’پولنگ اسٹیشنز پر پاک فوج اور رینجرز کے اہلکاروں کی تعیناتی ہموار اور شفاف انتخابی عمل کے لیے انتہائی اہم ہے‘۔

انہوں نے کہا کہ جماعت اسلامی نے چیف الیکشن کمشنر کو خط لکھ کر پولنگ اسٹیشنز پر فوج اور رینجرز کی تعیناتی یقینی بنانے کا مطالبہ کیا ہے۔

دوسری جانب ایم کیو ایم-پاکستان نے الیکشن کمیشن کے فیصلے کے خلاف سخت ردعمل کا اظہار کیا اور اسے شہری سندھ کے عوام کے ساتھ سراسر ناانصافی قرار دیا۔

ایم کیو ایم-پاکستان نے الیکشن کمیشن کے فیصلے کو چیلنج کرنے کے لیے تمام ممکنہ قانونی آپشنز پر غور کرنے کا عزم بھی ظاہر کیا۔

ایم کیو ایم نے ایک بیان میں کہا کہ ’اس فیصلے کے ساتھ الیکشن کمیشن کراچی اور حیدرآباد کے لوگوں کے لیے آزادانہ اور منصفانہ بلدیاتی انتخابات کو یقینی بنانے میں ناکام ہوچکا ہے‘۔

ایم کیو ایم نے ’جعلی اور جانبدارانہ حلقہ بندی‘ کے خلاف (کل) 11 جنوری کو احتجاجی مظاہرے کا اعلان کرتے ہوئے کہا کہ جعلی ووٹر لسٹوں اور غیر قانونی حلقہ بندیوں پر ہونے والے انتخابات کے نتائج کبھی قبول نہیں کریں گے۔

مشہور خبریں۔

افغانستان میں خشخاش کی بڑھتی ہوئی کاشت

?️ 6 نومبر 2024سچ خبریں: اقوام متحدہ کے دفتر برائے منشیات اور جرائم کی رپورٹ

یورپی کمیشن اور کونسل کے صدر کی بیجنگ میں چینی صدر سے ملاقات

?️ 21 جولائی 2025سچ خبریں: چینی وزارت خارجہ نے تصدیق کی کہ چین اور یورپی یونین

امریکی صدارتی امیدواروں کو کیا خطرہ ہے؟

?️ 6 فروری 2024سچ خبریں: حالیہ سکیورٹی واقعات کا حوالہ دیتے ہوئے، 2024 کے امریکی

اپوزیشن کے پروپیگنڈے سے ملک دیوالیہ نہیں ہوگا، معیشت درست رخ پر ہے، اسحٰق ڈار

?️ 11 دسمبر 2022اسلام آباد:(سچ خبریں) وزیر خزانہ اسحٰق ڈار نے کہا ہے کہ پاکستان

مقبوضہ کشمیر کے بزرگ حریت رہنما سید علی شاہ گیلانی کا انتقال کشمیری عوام کے لیئے بڑا صدمہ

?️ 4 ستمبر 2021سرینگر (سچ خبریں) دو دن قبل مقبوضہ کشمیر کے بزرگ حریت رہنما سید

احتجاج کی نئی لہر آنے والی ہے

?️ 4 جون 2023سچ خبریں:فرانسیسی میڈیا رپورٹس اگلے منگل کو اس ملک میں ریٹائرمنٹ کی

عراق میں امریکی اتحادی افواج کی موجودگی کے بارے میں سابق وزیر اعظم کا بیان

?️ 12 مارچ 2024سچ خبریں: عراقی حکومت کی قانون سازی کے اتحاد کے سربراہ نے

صیہونیوں کے ساتھ سمجھوتے کا نتیجہ؛سوڈانیوں کے پاس کچھ نہیں بچا

?️ 19 اکتوبر 2021سچ خبریں:خرطوم کی جانب سے صیہونی حکومت کے ساتھ سمجھوتے اور تعلقات

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے