پنجاب کے دارالحکومت میں غیر ملکیوں سے ’بٹ کوائن‘ کی ڈکیتی

بٹ کوائن

?️

لاہور {سچ خبریں} پنجاب کے دارالحکومت لاہور میں ایک کروڑ 30 لاکھ روپے سے زائد مالیت کی ’بٹ کوائن‘ ایک غیر ملکی جوڑے سے ڈاکوؤں نے  ہتھیا لی ہے۔ لاہور کے تھانہ ریس کورس میں درج ایف آئی آر کے مطابق غیر ملکیوں کا تعلق بالترتیب  سے ہے۔
سوئٹزرلینڈ کے سٹیفن اور جرمنی کی ماریہ سپاری استنبول سے دس فروری کی رات لاہور پہنچے اور نجی ہوٹل میں قیام کیا۔ ایف آئی آر جو کہ ایک مترجم کمپنی کے نمائندے کی مدعیت میں درج کی گئی ہے جس کی اس جوڑے نے خدمات حاصل کر رکھی تھیں۔
ایف آئی آر میں درج تفصیلات کے مطابق ’لاہور کے ایک رہائشی رانا عرفان نے اس جوڑے کو پاکستان بلایا تھا اور سرمایہ کاری کی ترغیب دی تھی۔ دس فروری کی رات رانا عرفان اس غیر ملکی جوڑے کو اپنے ساتھ کھانا کھلانے ہوٹل سے باہر لے گئے۔ رات ساڑھے نو بجے کے قریب ایک سڑک پر گاڑی روک دی۔ اسی اثنا میں دو اور گاڑیاں ان کے پاس رکیں۔ جس کے بعد انہیں کسی دوسری گاڑی میں منتقل کیا گیا اور ڈیڑھ گھنٹے کی ڈرائیو کے بعد دونوں کو ایک چھوٹی گاڑی میں سوار کیا گیا۔ اس دوران ان کے کپڑوں پر سفید رنگ کا پاؤڈر پھینکا گیا اور وہاں موجود افراد نے اسلحہ بھی تان لیا۔ انہوں نے دھمکایا کہ ہیروئین ہے اگر شور کیا تو پولیس کے حوالے کر دیں گے اور پاکستان میں ہیروئین رکھنے کی سزا موت ہے۔‘
پنجاب میں درج ایف آئی آر میں اس واقعہ کی مزید تفصیلات بتاتے ہوئے لکھا گیا ہے کہ ’دونوں غیر ملکیوں کو آنکھوں پر پٹیاں باندھ کر ایک گھر یا ڈیرے نما جگہ پر لے جایا گیا۔
’اس کے بعد نہ صرف ان کے پاس موجود چھ ہزار 300 یوورو لے لیے گئے بلکہ لیپ ٹاپ کے ذریعے ان کے الیکٹرانک والٹ میں موجود ایک اعشاریہ چھیاسی بٹ کوائنز بھی اسلحے کے زور پر ٹرانسفر کروائے گئے۔
مقدمے میں لکھا گیا ہے کہ اس ساری کارروائی کی ایک کیمرے کے ذریعے عکس بندی بھی کی گئی جس کو ایک ایسا شخص چلا رہا تھا جس نے ’پریس‘ کی جیکٹ پہن رکھی تھی۔ جس گاڑی میں غیر ملکیوں کو گھمایا جاتا رہا اس کے ڈیش بورڈ پر پولیس کی علامت نیلی بتی بھی رکھی گئی تھی۔ غیر ملکیوں نے الزام عائد کیا ہے کہ اس سارے واقعے کے دوران ان کو تشدد کا نشانہ بھی بنایا گیا۔
پنجاب کے دارالحکومت لاہور پولیس کے ترجمان کے مطابق اس واقعے کے بعد ملزمان کی تلاش جاری ہے۔ رانا عرفان نامی ملزم سوئٹزرلینڈ میں ان دونوں غیر ملکیوں سے کئی بار مل بھی چکا ہے۔ اس معاملے کی اعلیٰ سطح پر تفتیش جاری ہے۔
’مدعیان کے بیان کی روشنی میں ایف آئی آر درج کر لی گئی ہے جس میں ڈکیتی اور حبس بے جا میں رکھنے کی دفعات لگائی گئی ہیں۔‘
خیال رہے کہ بندوق کے زور پر ’بٹ کوائنز‘ کو منتقل کروانے کا لاہور میں اپنی نوعیت کا یہ پہلا مقدمہ ہے جبکہ پاکستان میں بٹ کوائن کو رکھنے یا ان کی خرید وفروخت پر بھی پابندی ہے۔ 

مشہور خبریں۔

انگلینڈ کے ایک چرچ سے ایک سو بچوں کی لاشیں ملنے کا انکشاف

?️ 14 ستمبر 2022ویلز کے ایک چرچ میں کھدائی کے نتیجے میں سو سے زائد

وزیر تعلیم نے کن اضلاع میں 11 اپریل تک اسکول بند رکھنے کا اعلان کیا

?️ 24 مارچ 2021اسلام آباد(سچ خبریں) اسلام آباد میں نیشنل کمانڈ اینڈ آپریشن سینٹر (این

ن لیگ نے فوج اور عدلیہ کیخلاف پروپیگنڈا کیا ہے

?️ 30 نومبر 2021اسلام آباد (سچ خبریں) وفاقی وزیر اطلاعات فواد چودھری نے کہا ہے

امریکا میں سیاہ فام شہریوں کے خلاف پولیس کی دہشت گردی جاری، ایک اور سیاہ فام کو گولی مار کر ہلاک کردیا گیا

?️ 16 اپریل 2021واشنگٹن (سچ خبریں)  امریکا میں سیاہ فام شہریوں کے خلاف پولیس کی دہشت

پاکستان کا کرنٹ اکاؤنٹ خسارہ جنوری میں 90 فیصد کم ہو کر 24 کروڑ ڈالر

?️ 20 فروری 2023اسلام آباد:(سچ خبریں) توازنِ ادائیگی کے بحران کی وجہ سے درآمدات پر

کیا صیہونیوں میں شمالی محاذ پر جنگ لڑنے کی ہمت ہے؟ خود صیہونی کیا کہتے ہیں؟

?️ 22 ستمبر 2024سچ خبریں: صہیونی حکام کی جانب سے حزب اللہ کے خلاف وسیع

لوگ جنگ بندی سے آگاہ رہیں: صنعاء

?️ 28 اگست 2022سچ خبریں:   یمن کی سپریم سیاسی کونسل کے سربراہ مہدی المشاط نے

بنگلہ دیش میں روہنگیا پناہ گزین کیمپ میں بڑا حادثہ، آتشزدگی کے واقعے میں متعدد افراد ہلاک اور زخمی ہوگئے

?️ 23 مارچ 2021ڈھاکا (سچ خبریں) بنگلہ دیش میں روہنگیا پناہ گزین کیمپ میں آتشزدگی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے