پنجاب میں کورونا کا قہر جاری ایک دن میں ایک لاکھ سے زائد نئے کیسز

کورونا وائرس

🗓️

پنجاب(سچ خبریں) پاکستان میں کورونا وائرس کی تیسری لہر کا زور کسی طور ٹوٹتا دکھائی نہیں دے رہا اور ملک میں 5 ہزار 360 مریضوں کی حالت تشویشناک ہے جو وبا کی پہلی لہر کے عروج سے بھی بڑی تعداد ہے پنجاب میں اب تک 3 لاکھ ایک ہزار 114 کورونا کیسز رپورٹ ہو چکے ہیں جس میں مرنے والوں کی تعداد 8 ہزار 410 تک پہنچ گئی ہے۔

کووِڈ-19 کے اعداد و شمار کے لیے بنائی گئی سرکاری ویب سائٹ کے مطابق گزشتہ 24 گھنٹوں میں پاکستان میں مزید 5 ہزار 112 افراد میں وائرس کی تشخیص ہوئی جبکہ 131 مریض انتقال کر گئے۔

وبا کی تشخیص کے لیے 29 اپریل کو مجموعی طور پر 49 ہزار 99 ٹیسٹ کیے گئے جس کے نتیجے میں نتائج مثبت آنے کی شرح 10.41 فیصد رہی جبکہ فعال کیسز 91 ہزار 547 تک پہنچ چکے ہیں۔

ملک میں مجموعی طور پر اب تک کورونا وائرس سے 8 لاکھ 20 ہزار 823 افراد متاثر ہو چکے ہیں جن میں سے 17 ہزار 811 زندگی کی بازی ہار گئے۔

علاوہ ازیں گزشتہ 24 گھنٹے کے دوران مزید 3 ہزار 272 مریض صحتیاب ہوئے اور مجموعی طور پر اب تک 7 لاکھ 11 ہزار 456 مریض صحتیاب ہوچکے ہیں۔

واضح رہے کہ ملک میں کورونا وائرس کا پہلا کیس 26 فروری 2020 کو رپورٹ ہوا تھا، جس کے بعد سے وبا کے پھیلاؤ میں اتار چڑھاؤ جاری ہے اور اب تک بیماری کی 2 لہریں دیکھی جاچکی ہیں جبکہ تیسری لہر کا پھیلاؤ بدستور جاری ہے۔

کیسز میں حالیہ اضافے کے پیشِ نظر تعلیمی اداروں کی بندش، کاروبار کے اوقات مختصر، دفاتر میں کم حاضری سمیت متعدد اقدامات کیے گئے ہیں اور صورتحال بہتر نہ ہونے پر لاک ڈاؤن کا عندیہ بھی دیا گیا ہے۔

پاکستان میں 30 اپریل کو چاروں صوبوں اور وفاقی اکائیوں میں کورونا وائرس کیسز اور اموات کی صورتحال درج ذیل ہے:

پنجاب
وبا کی تیسری لہر نے صوبہ پنجاب کو سب سے زیادہ متاثر کیا ہے اور گزشتہ 24 گھنٹوں کے دوران صوبے میں 2 ہزار 296 نئے کیسز رپورٹ ہوئے اور مزید 83 مریض دم توڑ گئے۔

پنجاب میں اب تک 3 لاکھ ایک ہزار 114 کورونا کیسز رپورٹ ہو چکے ہیں جس میں مرنے والوں کی تعداد 8 ہزار 410 تک پہنچ گئی ہے۔

خیبر پختونخوا
کورونا وائرس کی حالیہ لہر کے دوران پنجاب کے بعد صوبہ خیبرپختونخوا زیادہ متاثر ہوا ہے اور یہاں گزشتہ روز مزید ایک ہزار 34 نئے کیسز سامنے آئے جبکہ 36 مریض دم توڑ گئے۔

خیبر پختونخوا میں اب تک رپورٹ ہونے والے کیسز کی مجموعی تعداد ایک لاکھ 17 ہزار 557 ہے جبکہ 3 ہزار 274 مریض انتقال کر چکے ہیں۔

سندھ
ملک کے دوسرے بڑے صوبے سندھ میں بھی کیسز میں واضح اضافہ دیکھنے میں آرہا ہے اور یہاں گزشتہ 24 گھنٹوں میں ایک ہزار 60 کیسز رپورٹ ہوئے جس کے بعد مجموعی کیسز کی تعداد 2 لاکھ 82 ہزار 445 ہو گئی ہے۔

صوبے میں کورونا وائرس سے مزید 4 مریضوں کا انتقال ہوا، مجموعی طور پر یہاں اب تک 4 ہزار 633 افراد لقمہ اجل بن چکے ہیں۔

اسلام آباد
اسلام آباد میں گزشتہ 24 گھنٹوں کے دوران مزید 427 نئے کیسز رپورٹ ہوئے جبکہ مزید 2 مریض اس وبا کے باعث زندگی کی بازی ہار گئے۔

وفاقی دارالحکومت میں اب تک مجموعی طور پر 75 ہزار 67 افراد وائرس کا شکار ہوچکے ہیں جن میں سے انتقال کر جانے والوں کی تعداد 679 ہے۔

آزاد کشمیر
آزاد کشمیر میں گزشتہ 24 گھنٹوں کے دوران مزید 126 افراد میں وائرس کی تصدیق ہوئی جبکہ 5 مریض دم توڑ گئے۔یہاں مجموعی طور پر 17 ہزار 57 افراد وائرس سے متاثر ہوئے جس میں سے 475 انتقال کر گئے۔

بلوچستان
بلوچستان میں کورونا وائرس نے مزید160 افراد کو متاثر کیا اور مزید ایک مریض دم توڑ گیا۔یوں صوبے میں اب تک رپورٹ ہونے والے کیسز کی مجموعی تعداد 22 ہزار 278 اور اموات کی تعداد 234 تک پہنچ گئی ہے۔

گلگت بلتستان
گلگت بلتستان میں گزشتہ روز 9 کیسز سامنے آئے، یہاں اب تک رپورٹ ہونے والے کیسز کی تعداد 5 ہزار 305 ہے۔

مشہور خبریں۔

آئی ایم ایف پیکج کی مدد کے باوجود ڈالر کی اونچی اڑان برقرار

🗓️ 24 ستمبر 2022اسلام آباد: (سچ خبریں) آئی ایم ایف پیکج اور دوست ممالک کی

چین سے کورونا ویکسین کی ایک اور کھیپ 29 اپریل کو پاکستان پہنچے گی

🗓️ 26 اپریل 2021اسلام آباد (سچ خبریں) کورونا کو مدنظر رکھتے ہوئے پاکستان چین سے

اماراتی عہدیدار کو صیہونی حکومت کے ساتھ گرمجوشی کے تعلقات پر فخر

🗓️ 18 فروری 2023سچ خبریں:ابوظہبی سرمایہ کاری کے دفتر کے سربراہ نے متحدہ عرب امارات

عرب حکمرانوں نے شام میں تسلیم کی شکست ، سعودی لبنان میں خانہ جنگی کے خواہاں : حسن نصراللہ

🗓️ 12 نومبر 2021سچ خبریں: لبنان میں حزب اللہ کے سیکرٹری جنرل سید حسن نصر اللہ

سینیٹر مشاہد حسین کا جنرلز کے احتساب پر نواز شریف کو ’بھولنے اور آگے بڑھنے‘ کا مشورہ

🗓️ 25 ستمبر 2023اسلام آباد: (سچ خبریں) پاکستان مسلم لیگ (ن) کے سینیٹر مشاہد حسین

صیہونیوں کی اسرائیل سے ہجرت کرنے کی وجوہات

🗓️ 31 جولائی 2023سچ خبریں:انگریزی اخبار ٹائمز نے رپورٹ کیا ہے کہ صیہونی حکومت میں

صیہونیوں کو مقبوضہ علاقوں میں بڑے پیمانے پر بجلی کی بندش کے سلسلے میں تشویش

🗓️ 20 فروری 2024سچ خبریں:گزشتہ چند دنوں میں مختلف علاقوں میں تقریباً 120,000 صہیونی گھرانوں

افغانستان میں زلزلہ؛26 افراد جاں بحق

🗓️ 19 جنوری 2022سچ خبریں:افغانستان کے صوبہ بادغیس میں5.3رکٹر کا زلزلہ آیا جس کے نتیجہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے