پرانے زمانے کی بات ہے سیالکوت آتا تو کاروباری حضرات کرکٹ بیٹ تحفے میں دیتے،خواجہ آصف

?️ 23 اکتوبر 2022

لاہور: (سچ خبریں) وزیر دفاع خواجہ آصف نے چیئرمین تحریک انصاف عمران خان کو کڑی تنقید کا نشانہ بنایا ہے، انہوں نے کہا ہے کہ پرانے زمانے کی بات ہے سیالکوٹ آتا تھا ہمارے کرکٹ بیٹ بنانے والے کاروباری حضرات کرکٹ بیٹ تحفے میں دیتے تھے۔ 

خواجہ آصف نے سماجی رابطے کی ویب سائیٹ ٹویٹر پر کہا کہ موصوف پاکستان اور بیرون ملک میں یہ بیٹ بیچ دیتے تھے،قوم ایسے ہی پریشان ہو رہی ہے،شرم حیا سے پرانا فارغ ہے۔

قبل ازیں خواجہ آصف نے حکومت اور پی ٹی آئی کے درمیان مذاکرات اور بیک ڈور رابطوں کی خبروں کی تردید کی ،وزیر دفاع نے کہا کہ انکے ساتھ کسی قسم کا رابطہ نہیں،قطعاََ طور پر مذاکرا ت نہیں ہو رہے ہیں،مارچ اپریل میں الیکشن کیلئے بیک ڈور رابطے پروپیگنڈا ہے۔

قانون اور آئین کے مطابق انتخابات ہوں گے،4 ماہ قبل وزیر اعظم نے ایک کمیٹی بنائی تھی جس کی ذمہ داری مجھے سونپی گئی۔

خواجہ آصف کا کہنا تھا کہ قانون اور آئین کے مطابق اگلے ماہ نئے آرمی چیف کی تعیناتی ہو گی۔پاکستان کو گرے لسٹ سے نکال دیا گیا ہے،اب پاکستان کو عالمی سطح پر نارمل ملک کی طرح ٹریٹ کیا جائے گا۔ انکا کہنا تھا کہ کوئی حکومتی نمائندہ توشہ خانہ سے تحفہ نہیں لے سکتا،حکومت چاہے تو اسے نیلام کرے یا کسی ادارے کو دے۔ 6 اور 7 ماہ سے وزیر اعظم کو جو تحفے ملے وہ محفوظ ہیں۔

عمران خان کی خواہش تھی کہ اپوزیشن کو ٹارگٹ کریں۔عمران خان کا بھانڈا پھوٹ چکا ہے۔پنجاب اسمبلی کا سلسلہ زیادہ دیر چلنے والا نہیں،چوہدری پرویز الٰہی کا عمران خان کے ساتھ کھڑے ہونا انکے وارے میں نہیں ہو گا،یہ پرویز الٰہی کا خیال کریں وہ کسی اور جگہ نہ چلے جایئں۔ وزیر دفاع نے کہا کہ جو سامنے حالات آ رہے ہیں ان میں جھوٹ کی گنجائش نہیں ہو گی۔انکی کوشش تھی فیٹف قانون بھی اپوزیشن کو ٹارگٹ کرنے کیلئے استعمال کریں۔پورے ملک سے کل 30 سے 32 ہزار لوگ احتجاج کیلئے باہر نکلے تھے۔