پاکستان کی فضائی حدود کا دفاع مضبوط ہاتھوں میں ہے۔ وزیراعظم

?️ 19 جولائی 2025

اسلام آباد (سچ خبریں) وزیراعظم شہباز شریف نے کہا ہے کہ پاکستان کی فضائی حدود کا دفاع مضبوط ہاتھوں میں ہے۔

تفصیلات کے مطابق وزیر اعظم شہباز شریف نے پاک فضائیہ کو یوکے رائل انٹرنیشنل ایئر شو میں ایوارڈز جیتنے پر مبارکباد دی۔ اور جے ایف 17 تھنڈر کی شاندار کارکردگی پر پاک فضائیہ کی پیشہ ورانہ صلاحیتوں کی تعریف کی۔ شہباز شریف نے سی 130 طیارے کی بھی ایئر شو میں شاندارکارکردگی پر تعریف کی۔

ذرائع کے مطابق وزیر اعظم شہباز شریف نے کہا کہ پاک فضائیہ کی پیشہ ورانہ صلاحیتوں کی بدولت پاکستان کا نام دنیا بھر میں روشن ہو رہا ہے۔ اور پاک فضائیہ نے مئی 2025 میں دشمن کے 6 طیارے گرا کر عملی میدان میں اپنا لوہا منوایا۔

انہوں نے کہا کہ پاکستان کی فضائی حدود کا دفاع مضبوط ہاتھوں میں ہے۔ اور پاک فضائیہ کی بھارت کے خلاف طویل فضائی جنگ میں کارکردگی ہمیشہ یاد رکھی جائے گی۔