پاکستان کا افغان حکومت سے ٹی ٹی پی سمیت دہشتگرد گروپوں کیخلاف کارروائی کا مطالبہ

?️ 10 اکتوبر 2025

اسلام آباد (سچ خبریں) پاکستان نے افغان حکومت سے ٹی ٹی پی سمیت دہشتگرد گروپوں کیخلاف کارروائی کا مطالبہ

ترجمان دفتر خارجہ شفقت علی خان نے ہفتہ وار بریفنگ میں کہا افغان حکومت کو ٹی ٹی پی سمیت دہشتگرد گروپوں کیخلاف کارروائی کرنی چاہیے، افغانستان سے سرحد پار دہشتگرد کا معاملہ افغان حکومت سے تواتر سے اٹھاتے رہے ہیں، پاکستان، افغانستان کی خودمختاری کا احترام کرتا ہے، ہم افغانستان پر زور دیتے آرہے ہیں کہ افغان سرزمین پاکستان کیخلاف استعمال نہ ہو۔

ترجمان دفترخارجہ شفقت علی خان نے کہا پاکستان گلوبل صمود فلاٹیلا پر اسرائیل حملے کی مذمت کرتا ہے، سابق سینیٹر مشتاق احمد اسرائیلی فوجیوں کی حراست سے آزاد ہوچکے ہیں، جنگ بندی ڈیل میں قطر، مصر اور سعودی عرب کے انتھک کردار کو سراہتے ہیں۔

ترجمان دفترخارجہ کا کہنا ہے کہ اسحاق ڈار اور ایرانی ہم منصب کی فون پر بات ہوئی، دوطرفہ تعلقات بڑھانےکے معاملے پر تبادلہ خیال کیا گیا، ڈپٹی وزیر اعظم نے سعودی ہم منصب سے رابطہ کیا، جس میں غزہ کی صورتحال حماس کے ردعمل، امن پر بات چیت ہوئی۔

مزید کہا سعودی پاکستان مشترکہ بزنس کونسل کے چئیرمین شہزادہ منصور اسلام آباد پہنچے، ان کے ہمراہ ایک بڑا سعودی وفد بھی پاکستان پہنچا ہے، تجارت و سرمایہ کاری، پاکستان کی اقتصادی ترقی کا ایجنڈا بات چیت میں سرفہرست ہے۔