پاکستان نےبھارتی وزیر کا اشتعال انگیز بیان مسترد کردیا

?️ 2 فروری 2022

اسلام آباد (سچ خبریں)پاکستان  نے آزاد جموں و کشمیر پر بھارتی وزیر کا اشتعال انگیز بیان مسترد کردیا اور کہا پاکستان پرالزام تراشی بھارتی سیاستدانوں کی عادت ہے۔ اس حوالے سے دفتر وزیر خارجہ کی جانب سے کہا گیا ہے کہ بھارتی سیاستدان مسائل سے عوامی توجہ ہٹانے کیلئے الزام تراشی کرتے ہیں،بی جے پی،آر ایس ایس کے سیاستدان مقبوضہ کشمیر پر توجہ دیں۔

تفصیلات کے مطابق پاکستانی دفتر خارجہ کے ترجمان کی جانب سے بیان میں کہا گیا کہ آزادجموں وکشمیرپر بی جے پی کے وزیر کا اشتعال انگیزبیان مستردکرتے ہیں ، اندرونی سیاست میں پاکستان پر الزام تراشی بھارتی سیاستدانوں کی عادت ہے۔

ترجمان کا کہنا تھا کہ بھارتی سیاستدان مسائل سےعوامی توجہ ہٹانے کیلئے الزام تراشی کرتے ہیں، بی جےپی،آرایس ایس کے سیاستدان مقبوضہ کشمیرپر توجہ دیں۔ انہوں  نے مزید کہا کہ ’’حقیقت یہ ہے کہ کئی دہائیوں کے بھارتی جبر اور بی جے پی آر ایس ایس کے زیر انتظام 5 اگست 2019 کے غیر قانونی اور یکطرفہ اقدامات کے باوجود کشمیریوں کا بھارتی قبضے کے خلاف مزاحمت کا عزم وقت گزرنے کے ساتھ ساتھ مزید مضبوط ہوا ہے۔دفتر خارجہ کا کہنا تھا کہ پاکستان کشمیریوں کے حق خود ارادیت کے لیے ان کی ہر ممکن حمایت جاری رکھے گا۔