پاکستان میں صحافیوں اور میڈیا کارکنوں کے صیہونیت مخالف مظاہرے

?️ 9 نومبر 2023

سچ خبریں: ہزاروں پاکستانی صحافیوں اور میڈیا کارکنوں نے فلسطین کے ساتھ اظہار یکجہتی اور غزہ کے صحافیوں کے ساتھ ہمدردی کا اظہار کرتے ہوئے غزہ میں صیہونی حکومت کے جرائم پر شدید برہمی کا اظہار کرنے کے لیے کراچی میں مارچ کیا۔

آناتولی نیوز ایجنسی کی رپورٹ کے مطابق پاکستان میں میڈیا کے کارکنان بشمول صحافیوں، ٹی وی آپریٹرز اور پاکستان کے دیگر پرنٹ اور الیکٹرانک میڈیا نے بدھ کو صیہونی حکومت کے جرائم کی مذمت اور فلسطین کے ساتھ اظہار یکجہتی بالخصوص غزہ میں شہید ہونے والے صحافیوں سے ہمدردی کا اظہار کرنے کے لیے کراچی شہر میں مارچ کیا۔

یہ بھی پڑھیں: پاکستانی کرکٹرز کا اظہار یکجہتی، سوشل میڈیا پر فلسطینی پرچم پوسٹ کردئیے

اس رپورٹ کی بنیاد پر اخبارات اور میڈیا یونینوں کے ہزاروں اراکین جن میں صحافی اور نامہ نگار بھی شامل ہیں، نے غزہ میں موجود اپنے میڈیا ساتھیوں کی حمایت میں نعرے لگاتے ہوئے ان کے خلاف صیہونی حکومت کے بھیانک جرائم پر اپنی بیزاری کا اظہار کیا اور اس علاقے کے بے گھر لوگوں کے ساتھ اپنی یکجہتی کا اعلان کیا۔

پاکستان کے جنوب میں واقع کراچی کی سڑکوں پر بدھ کو ہزاروں میڈیا اور اخباری کارکنوں نے غزہ کی پٹی پر شدید اسرائیلی فضائی حملوں کے دوران عام شہریوں بالخصوص بچوں کی ہلاکت کے حوالے سے مغرب کی خاموشی کے خلاف بھی احتجاج کیا۔

اس رپورٹ کے مطابق غزہ پر اسرائیلی فضائی حملوں میں شہید ہونے والے صحافیوں کے ساتھ اظہار یکجہتی کے لیے سینکڑوں صحافی ، ریڈیو اور ٹیلی ویژن کے کارکنان اپنے اہل خانہ کے ہمراہ کراچی پریس کلب میں جمع ہوئے۔

مزید پڑھیں: پاکستان کی غزہ میں فلسطینیوں پر اسرائیلی بمباری کی شدید مذمت، سیز فائر کا مطالبہ

پاکستانی مظاہرین نے بینرز اور پلے کارڈز اٹھا رکھے تھے جن پر صیہونیوں کے خلاف نفرت کا اظہار کیا گیا تھا اور صیہونیت مخالف نعرے لکھے ہوئے تھے جیسے صحافیوں کو قتل کر کے آپ سچائی کو نہیں چھپا سکتے” اور "غزہ میں صحافیوں کے قتل کا ذمہ دار اسرائیل ہے”