پاکستان، ایران، ترکی کے درمیان مال بردار ٹرین کا افتتاح

🗓️ 22 دسمبر 2021

اسلام آباد (سچ خبریں) پاکستان کے  دارالحکومت اسلام آباد سے ایران کے دارالحکومت تہران اور ترکی کے دارالحکومت استنبول کے لیے مال بردار  ٹرین کا افتتاح کر دیا گیا۔اس حوالے سے ریلوے وزیر اعظم سواتی کا کہنا ہے کہ کارگو ٹرین کے بعد مسا فر ٹرین کا آغاز بھی کریں گے ٹرین سے پاکستان، ایران اور ترکی کے درمیان سامان کی نقل و حرکت کو آسان بنانے  میں مدد ملے گی۔

وفاقی وزیر برائے ریلوے اعظم خان سواتی، وزیر خارجہ شاہ محمود قریشی اور مشیر تجارت عبدالرزاق داؤد نے کارگو  ٹرین کا افتتاح کیا۔اس موقع پر وزیر ریلوے اعظم سواتی کا کہنا تھا کہ کارگو ٹرین کے بعد مسا فر ٹرین کا آغاز بھی کریں گے جبکہ مشیر تجارت عبدالرزاق داؤد نے کہا کہ استنبول، تہران اسلام آباد مال بردار ٹرین کے آپریشنز کی بحالی خوش آئند ہے۔

واضح رہے کہ ٹرین 12 دنوں میں یک طرفہ سفر مکمل کرے گی اور  اس سے پاکستان، ایران اور ترکی کے درمیان سامان کی نقل و حرکت کو آسان بنانے  میں مدد ملے گی۔اسلام آباد سے روانہ ہونے والی تہران، استنبول مال بردار ٹرین راولپنڈی، لاہور، سکھر سے ہوتے ہوئے جمعرات کو سیپ زنڈ ریلوے اسٹیشن پہنچے گی، ٹرین نوشکی، دالبندین اور تفتان سے ہوتے ہوئے زاہدان جائے گی۔