وفاقی کابینہ کے اجلاس میں ادویات کی قیمتوں میں اضافے سے متعلق آج  فیصلہ کیا جائے گا

?️ 24 اگست 2021

اسلام آباد (سچ خبریں) وزیراعظم عمران خان کی زیر صدارت آج ہونے والے وفاقی کابینہ کے اجلاس میں ملک کی سیاسی ، معاشی اور اقتصادی صورتحال کا اجائزہ لینے کے ساتھ ساتھ ادویات کی قیمتوں میں اضافے سے متعلق بھی  فیصلہ کیا جائے گا، پینل سرچارج کےخاتمےکامعاملہ بھی کابینہ ایجنڈے میں شامل ہیں۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس آج ہوگا ، جس میں ملک کی سیاسی، معاشی اور اقتصادی صورتحال کا جائزہ لیا جائے گا اور وفاقی کابینہ11 نکاتی ایجنڈے پرغورکرے گی۔

کابینہ اجلاس میں 37ادویات کی قیمتوں میں اضافے سے متعلق فیصلہ کیا جائے گا اور اسلام آباد کے سیکٹرای11کےمسائل پر سفارشات پیش کی جائیں گی جبکہ پینل سرچارج کےخاتمےکامعاملہ بھی کابینہ ایجنڈے میں شامل ہیں۔

وفاقی کابینہ چیف ماہرشماریات کی تعیناتی ، اوگراکےممبرفنانس کی تعیناتی کی منظوری دےگی اور انڈس واٹرکمشنرکےاضافی چارج سےمتعلق فیصلہ کرے گی جبکہ نیشنل کمیشن اسٹیٹس ویمن کےاسلام آبادممبر کی تعیناتی ایجنڈےمیں شامل ہیں۔

اجلاس میں چیئرمین انٹیلیکچوئل پراپرٹی آرگنائزیشن کےاضافی چارج سےمتعلق فیصلہ ہوگا اور پی ایس اوبورڈآف مینجمنٹ میں سیکرٹری پاورڈویژن کی نامزدگی میں تبدیلی پرغورہوگا۔کابینہ کی دی گئی ہدایات کومتعلقہ وزارت کومنتقل کرنے کے فیصلے سمیت اقتصادی رابطہ کمیٹی کےگزشتہ اجلاس کےفیصلوں کی توثیق کی جائے گی۔