وزیراعظم کی سعودی فرمانروا، ولی عہد اورعوام کو مبارکباد

?️ 23 ستمبر 2021

اسلام آباد (سچ خبریں) سعودی عرب کے91ویں قومی دن کے موقع پر وزیراعظم عمران خان نے سعودی فرمانروا،ولی عہد اورعوام کو مبارکباد پیش کی انہوں نے اپنے پیغام میں کہا کہ میں حکومت اورعوامِ پاکستان کیجانب سےخادمین شریفین جناب شاہ سلمان بن عبدالعزیز،ولی عہدعالی جناب محمدبن سلمان اورسعودی عرب کی عوام کومبارکباد پیش کرتاہوں۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر سعودی عرب کے91ویں قومی دن کےموقع پراپنے پیغام میں کہا کہ میں اپنی حکومت اورعوامِ پاکستان کیجانب سے خادم الحرمین الشریفین عزت مآب جناب شاہ سلمان بن عبدالعزیز،ولی عہدعالی جناب محمدبن سلمان اورسعودی عرب کی عوام کومبارکباد پیش کرتاہوں، ہماری دعا ہے کہ دوراندیش قیادت کے زیرِسایہ ترقی کا یہ سفرپیہم جاری رہے۔

خیال رہے سعودی عرب کا قومی دن آج قومی جوش وجذبے کے ساتھ منایا جارہا ہے ، مملکت کے قومی دن پرمختلف علاقوں میں سرکاری اور نجی سطح پر رنگا رنگ تقریبات منعقد کی جائیں گی، جن میں کئی شہروں میں انٹرایکٹو شوز اور عوامی تقریبات کا انعقاد شامل ہے۔

اسی موقع پر حکام کا کہنا ہے کہ تمام سعودی شہری اور مقیم غیرملکی یوم وطنی کے موقع پر کورونا وائرس سے حفاظتی تدابیر کی بھرپور پابندی کریں اور جلد از جلد مکمل ویکسینیشن کرائیں۔