وزیراعظم عرب سمٹ کے غیر معمولی اجلاس میں شرکت کےبعد کلائمٹ سمٹ کیلئے باکو روانہ

?️

اسلام آباد: (سچ خبریں) وزیراعظم محمد شہباز شریف عرب اسلامک ممالک کے غیر معمولی سربراہی اجلاس میں شرکت کے بعد ریاض سے آذربائیجان کے دارالحکومت باکو کے لیے روانہ ہوگئے، جہاں وہ 2 روزہ ورلڈ لیڈرز کلائمٹ ایکشن سمٹ میں شرکت کریں گے۔

ریڈیو پاکستان کی رپورٹ کے مطابق ریاض کے انٹر نیشنل رائل ٹرمینل پر پاکستان میں تعینات سعودی سفیر عزت مآب نواف سعید المالکی، سعودی عرب میں تعینات پاکستانی سفیر احمد فاروق اور دیگر سفارتی عملے نے وزیراعظم کو رخصت کیا۔

مزید کہا گیا کہ وہ اپنے تین روزہ دورہِ آذربائیجان کے دوران وزیراعظم باکو میں کانفرنس آف پارٹیز کے 29ویں (کوپ-29) کلائمیٹ ایکشن سربراہی اجلاس میں شرکت کریں گے۔

رپورٹ کے مطابق موسمیاتی تبدیلی کے حوالے سے اقوام متحدہ کا سالانہ سربراہی اجلاس آج آذربائیجان کے دارالحکومت باکو میں شروع ہوا، جس میں گزشتہ ایک سال کے دوران ترقی پذیر ملکوں کو موسمیاتی آفات سے پیدا ہونے والی صورتحال سے نمٹنے کے لیے فنڈز کی فراہمی سمیت مالیاتی اورتجارتی امور پر تبادلہ خیال کیا جا رہا ہے۔

تقریباً 200 ممالک کے مندوبین دو ہفتے جاری رہنے والے کوپ 29 فورم میں شرکت کر رہے ہیں۔

اقوام متحدہ کے موسمیاتی سربراہ سائمن اسٹیل نے اپنے افتتاحی خطاب میں ایک نئے عالمی موسمیاتی مالیاتی ہدف کے بارے میں بتایا۔

یہ سمٹ ایسے وقت میں ہو رہی ہے کہ جب خبردار کیا گیا ہے کہ 2024 میں درجہ حرارت کے ریکارڈ ٹونٹے کا خدشہ ہے اور غریب ملکوں کے لیے موسمیاتی اثرات سے نمٹنے کے لیے ہنگامی مذاکرات ناگزیر ہیں۔

وزیر اعظم شہباز شریف مساوات کے قائم کردہ اصولوں کے تحت ماحولیاتی یکجہتی اور ماحولیاتی انصاف کا مطالبہ کریں گے۔

وزارت موسمیاتی تبدیلی نے ایکس پر رپورٹ کیا کہ وزیر اعظم کی کوآرڈینیٹر برائے موسمیاتی تبدیلی رومینہ خورشید عالم اور وزارت موسمیاتی تبدیلی کے سیکریٹری نے مالدیپ کے سابق صدر محمد نشید سے ملاقات کی، جنہوں نے باکو میں کوپ 29 میں پاکستان پویلین کا دورہ کیا۔

ایک اور پوسٹ میں کہا گیا کہ پاکستان کا وفد موسمیاتی فنانس اور موافقت کے لیے مضبوط وعدوں پر زور دے گا، جبکہ غیر معمولی موسمیاتی اثرات کے سبب یہ وقت جرات مندانہ ایکشن لینے کا ہے۔

پاکستان کا شمار موسمیاتی تبدیلی کی وجہ سے 10 سب سے خطرے کے دو چار ممالک میں ہوتا ہے، جسے غیر معمولی سیلاب، مون سون کی شدید بارشیں، تباہ کن گرمی کی لہریں، تیزی سے گلشیئر پگھلنے کا سامنا رہا ہے۔

جون 2024 میں گرمی کی لہر کے نتیجے میں بلند درجہ حرارت ریکارڈ کیا گیا، جس نے صحت عامہ اور زراعت کو بری طرح متاثر کیا۔

مشہور خبریں۔

علی امین گنڈاپور کی جنید اکبر سے ٹسل تھی، علیمہ خان سے بھی پنگا تھا۔ شیر افضل مروت

?️ 8 اکتوبر 2025اسلام آباد (سچ خبریں) رکنِ قومی اسمبلی شیر افضل مروت کا کہنا

اسرائیل کا فلسطین پر غیر قانونی قبضہ جاری: ماسکو

?️ 16 اپریل 2022سچ خبریں:  مسجد اقصیٰ میں جمعہ کے روز جارح صہیونی اور فلسطینیوں

صیہونی خونخواری کا منہ بولتا ثبوت

?️ 18 ستمبر 2023سچ خبریں: فلسطین کی جہاد اسلامی تحریک کے ترجمان نے ہفتے کی

گاو کدل قتل عام کے متاثرین 33سال بعد بھی انصاف کے منتظر ہیں: مشعال ملک

?️ 21 جنوری 2023کشمیر: (سچ خبریں)پیس اینڈ کلچر آرگنائزیشن کی چیئرپرسن مشعال حسین ملک نے

وزیر اعظم کابینہ کو داخلی امور میں مداخلت سے روکنا چاہیے

?️ 24 اکتوبر 2021بلوچستان(سچ خبریں) بلوچستان کے وزیر اعلیٰ جام کمال نے وزیراعظم عمران خان

جولانی حکومت کے خلاف امریکہ کی پابندیوں میں ڈھیل

?️ 6 جنوری 2025سچ خبریں: وال اسٹریٹ جرنل نے باخبر ذرائع کے حوالے سے اعلان

شیخ رشید کا نئے الیکشن کے حوالے سے دعوی

?️ 29 جولائی 2022اسلام آباد: (سچ خبریں) عوامی مسلم لیگ کے سربراہ اور سابق وزیر

فیشن میں مجھے کوئی اداکارہ ٹکر نہیں دے سکتی: نوشین شاہ

?️ 17 ستمبر 2021کراچی (سچ خبریں) پاکستانی اداکارہ نوشین شاہ نے ایک سوال کے جواب

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے