نفرت پر مبنی سیاست کی حوصلہ شکنی کرنا ہوگی۔ سینیٹر عرفان صدیقی

?️ 17 اگست 2025

اسلام آباد (سچ خبریں) سینیٹرعرفان صدیقی کا کہنا ہے کہ اختلاف رائے جمہوریت کا حسن ہے، اختلاف رائے کرتے ہوئے شائستگی کا دامن نہیں چھوڑنا چاہئے۔

عوامی نیشنل پارٹی کی کل جماعتی کانفرنس سے خطاب کرتے ہوئے عرفان صدیقی نے کہا ہے کہ پاکستان نے بہت سی کامیابیاں حاصل کی ہیں، اللہ تعالی نے پاکستان کے نام سے ہمیں ایک شیلٹر دے دیا ہے، 2025 میں پاکستان کئی مرحلے طے کر چکا، کئی مقام بلند ہوچکا ہے۔

انہوں نے کہا کہ نفرتیں مت پالیں، محبت ہمیشہ رہتی ہے،محبت کی خوشبو بھی ہمیشہ رہتی ہے،نفرت کی کھیتی میں جڑی بوٹیاں بھی نہیں اگتیں،پنجاب کو گالی دینے سے آپ کو کچھ نہیں ملتا،پنجاب سے بلوچستان کے خلاف ایک آواز بھی نہیں اٹھتی۔

عرفان صدیقی کا کہنا تھا کہ جمہوریت کے تسلسل سے ہی معاشرے آگے بڑھتے ہیں،نفرت پر مبنی سیاست کی حوصلہ شکنی کرنا ہوگی، احتجاج اور دھرنوں کی سیاست ملک کے مفاد میں نہیں۔