🗓️
اسلام آباد: (سچ خبریں) پاکستان میں افغانستان کے عبوری سفیر سردار احمد جان شکیب نے گزشتہ روز سربراہ جے یو آئی (ف) مولانا فضل الرحمٰن سے ملاقات کی جس میں دہشتگردی سے دوچار خطے میں قیامِ امن کی ضرورت پر تبادلہ خیال کیا گیا۔
میڈیا رپورٹس کے مطابق سردار احمد جان شکیب مولانا فضل الرحمٰن کی رہائش گاہ پر پہنچے اور مولانا فضل کو عبوری افغان حکومت کا ’خصوصی پیغام‘ دیا۔
ترجمان جے یو آئی (ف) اسلم غوری نے کہا کہ افغان سفیر اور مولانا فضل الرحمٰن کے درمیان ملاقات میں پاک-افغان تعلقات اور خطے میں امن و امان کی صورتحال پر توجہ مرکوز کی گئی۔
یاد رہے کہ حالیہ چند روز کے دوران پاکستان میں دہشت گردی کے حملوں میں اضافے کے باعث پاک-افغان تعلقات تناؤ کا شکار ہیں، ان حملوں کا الزام حکومت کی جانب سے کالعدم تحریکِ طالبان پاکستان (ٹی ٹی پی) پر عائد کیا جاتا ہے۔
پاکستان نے افغانستان میں چھپے عسکریت پسندوں کے خلاف فوری کارروائی اور ان کی حوالگی کا مطالبہ کیا ہے۔
ذرائع نے بتایا کہ افغان حکومت کی جانب سے افغان سفیر کے ذریعے بھیجا گیا خط ان کی سرزمین پر سرگرم دہشت گرد نیٹ ورکس کو روکنے کی کوششوں سے متعلق تھا۔
افغان حکام نے ملک کو لانچنگ پیڈ کے طور پر استعمال کرتے ہوئے دہشت گرد تنظیموں پر قابو پانے کی ان کی کوششوں کو بھی اجاگر کیا۔
ذرائع کے مطابق مولانا فضل الرحمٰن نے طالبان حکومت سے دہشت گردوں کی نقل و حرکت پر قابو پانے کے لیے کہا، انہوں نے خاص طور پر ڈیرہ اسمعٰیل خان کے علاقے میں ہونے والے حالیہ حملے کا ذکر کیا جوکہ سربراہ جے یو آئی (ف) کا آبائی شہر اور انتخابی حلقہ بھی ہے۔
جے یو آئی (ف) کی جانب سے جاری بیان میں بتایا گیا کہ اس موقع پر سابق رکن پارلیمنٹ مولانا صلاح الدین ایوبی بھی موجود تھے، دونوں فریقین نے دونوں ممالک کے درمیان بہتر تعلقات پر زور دیا کیونکہ یہ خطے میں امن کی ضمانت دے گا۔
مشہور خبریں۔
ایف بی آئی کے اہلکاروں کا ٹرمپ کے گھر پر چھاپہ
🗓️ 10 اگست 2022سچ خبریں:ڈونلڈ ٹرمپ نے اعلان کیا کہ وفاقی پولیس افسران نے فلوریڈا
اگست
چین اور روس عالمی نظام کے لیے خطرہ ہیں: یورپی یونین
🗓️ 12 مئی 2022سچ خبریں: جاپان کے وزیر اعظم فومیا کشیدا اور کونسل آف یورپ
مئی
میں صدر بن جاؤں گا تو یوکرین کی جنگ ایک دن میں بند کر دوں گا:ٹرمپ
🗓️ 5 مارچ 2023سچ خبریں:امریکہ کے متنازعہ سابق صدر نے دعویٰ کیا ہے کہ اگر
مارچ
ایک سال میں بی بی سی کے خلاف لاکھوں عوامی شکایات
🗓️ 11 جولائی 2021سچ خبریں:برطانوی خبر رساں ایجنسی جو اس ملک کی نوآبادیاتی پالیسیوں کو
جولائی
داعش کا فلسطینی مجاہدین کے خلاف اعلان جنگ
🗓️ 25 جون 2021سچ خبریں:داعش دہشت گرد گروہ نے فلسطینی مزاحمتی تحریک حماس کے ایران
جون
وزیر اعظم آج قومی اسمبلی میں خطاب کریں گے
🗓️ 30 جون 2021اسلام آباد (سچ خبریں)وزیراعظم عمران خان کی زیر صدارت اجلاس کے لیے
جون
پاک فضائیہ ملکی دفاع کیلئے ہمہ وقت تیار ہے: ایئر چیف
🗓️ 6 ستمبر 2021اسلام آباد (سچ خبریں) سربراہ پاک فضائیہ ایئر مارشل ظہیر احمد بابر
ستمبر
’علی امین گنڈاپور عمران خان سے بڑا لیڈر نہیں‘ پی ٹی آئی کا احتجاج جاری رکھنے کا اعلان
🗓️ 5 اکتوبر 2024اسلام آباد: (سچ خبریں) پاکستان تحریک انصاف نے احتجاج جاری رکھنے کا اعلان کردیا۔ پاکستان تحریک
اکتوبر