ملزم بری ہوجائے تو مقتولین کے ورثا کو دیت کی ادائیگی حکومت کی ذمہ داری نہیں، سندھ ہائیکورٹ

?️

کراچی: (سچ خبریں) سندھ ہائیکورٹ نے سیشن عدالت کے اس حکم کو کالعدم قرار دے دیا ہے جس میں صوبائی حکومت کو ٹریفک حادثے میں ہلاک ہونے والے ماں بیٹے کے قانونی ورثا کو دیت ادا کرنے کا حکم دیا گیا تھا۔

ڈان اخبار میں شائع خبر کے مطابق 2023 میں پراسیکیوٹر جنرل سندھ نے ایک ایڈیشنل ڈسٹرکٹ اینڈ سیشن جج کے 2022 کے حکم کے خلاف سندھ ہائیکورٹ میں اپیل دائر کی تھی، جس میں ایک ڈرائیور کو ایک خاتون اور اس کے بیٹے کی موت کے الزام میں بری کرتے ہوئے صوبائی حکومت کو متوفین کے ورثا کو دیت ادا کرنے کا حکم دیا تھا۔

سماعت کے آغاز میں ایڈیشنل پراسیکیوٹر جنرل نے ڈویژن بینچ کے سامنے پیش ہوتے ہوئے کہا کہ وہ ٹرائل کورٹ کی جانب سے دی جانے والی بریت کے خلاف اپیل نہیں کریں گے لیکن اس فیصلے میں صوبائی حکومت کو جاری کردہ حکم کے حوالے سے اپیل کی اجازت دی جائے کیونکہ یہ قانون کی نگاہ میں قابل قبول نہیں ہے۔

بینچ کے سربراہ جسٹس ظفر احمد راجپوت نے ریمارکس دیے کہ تعزیرات پاکستان کی شق 53 کے تحت دیت کی ادائیگی ایک ایسی سزا ہے جس کی ادائیگی مجرم کو کرنا تھی۔

بینچ نے ریمارکس میں کہا کہ تعزیرات پاکستان یا کسی دوسرے قانون میں ایسی کوئی بات نہیں ہے کہ اگر ملزم الزامات سے بری ہوجاتا ہے تو صوبائی حکومت مقتولین کے قانونی ورثا کو دیت کی ادائیگی کی ذمہ دار ہے۔

عدالت نے ریمارکس میں مزید کہا مذکورہ عدالت نے صوبائی حکومت کو دیت ادا کرنے کی ہدایات دے کر اپنے دائرہ کار سے تجاوز کیا ہے لہٰذاعدالتی ہدایات کو کالعدم قرار دیا جاتا ہے۔

ملزم ڈرائیور، محمد رشید کو 2015 میں گل بہار پولیس اسٹیشن کی حدود میں ایک موٹر سائیکل پر سوار محمد عامر، اس کی بیوی، سحر اور ان کے بیٹے حذیفہ کو کچلنے کے الزام میں چارج کیا گیا تھا، اس حادثے میں خاتون اور ان کا بیٹا جاں بحق ہوگئے تھے، سیشن کورٹ نے مقتولین کے قانونی ورثا کی جانب سے ملزم کو معاف کرنے کے بعد اس کو بری کر دیا تھا۔

مشہور خبریں۔

امریکہ میں انڈوں کی قیمت میں اضافہ؛ پنسیلوانیا میں 40 ہزار ڈالر کا انڈوں کا ذخیرہ چوری

?️ 5 فروری 2025سچ خبریں:امریکہ میں مہنگائی کی بڑھتی لہر کے دوران انڈوں کی قیمتوں

اسرائیل کے پاس ایران کے جوہری پروگرام کے خلاف کارروائی کی صلاحیت نہیں ہے: اولمرٹ

?️ 18 اپریل 2025سچ خبریں: عبرانی زبان کے میڈیا نے سابق اسرائیلی وزیر اعظم ایہود اولمرٹ

امریکہ کی جانب سے عراق کے نائب وزیر تیل پر پابندی عائد 

?️ 8 مئی 2026 سچ خبریں: امریکی محکمہ خزانہ نے جمعرات کو عراق کے ایک

پنجاب اور خیبر پختونخوا میں ڈینگی کے مریضوں کی تعداد میں اضافہ

?️ 17 اکتوبر 2021اسلام آباد ( سچ خبریں ) صوبہ پنجاب اور صوبہ خیبرپختونخوا میں

ایران ہم سے اتنا نہیں ڈرتا جیسا اسے ڈرنا چاہیے: سابق امریکی اہلکار

?️ 19 مئی 2023سچ خبریں:تین امریکی صدور کے سینئر مشیر رہ چکے ڈینس راس نے

برطانیہ میں گھر کے کرائے کی جگہ جنسی استحصال

?️ 5 مئی 2023سچ خبریں:ایک برطانوی اخبار نے اس ملک میں اخلاقیات کے ایک نئے

افغانستان میں بہتا افغان شہریوں کا خون اور امریکا-طالبان کی ناکام امن کوششیں

?️ 10 مئی 2021(سچ خبریں) افغانستان سے امریکی افواج کے انخلا شروع ہو جانے کے

چین کی وزارت دفاع: امریکہ کو اپنے جوہری ہتھیاروں کو کم کرنا چاہیے

?️ 27 مارچ 2026سچ خبریں: چینی وزارت دفاع کے ترجمان جیانگ بن نے ایک بیان

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے