محمد احمد اویس قریشی کو ایک بار پھر ایڈووکیٹ جنرل پنجاب لگانے کا فیصلہ

?️

لاہور: (سچ خبریں) تحریک انصاف نے احمد اویس کو ایک بار پھر ایڈووکیٹ جنرل پنجاب لگانے کا فیصلہ کرلیا۔ میڈیا رپورٹس کے مطابق پنجاب میں صوبائی حکومت کی تبدیلی کے ساتھ ہی انتظامیہ میں ردوبدل کا سلسلہ جاری ہے اور ذرائع سے معلوم ہوا ہے کہ محمد احمد اویس قریشی کو ایک بار پھر ایڈووکیٹ جنرل پنجاب لگانے کا فیصلہ کیا گیا ہے، جس کی منظوری چیئرمین تحریک انصاف عمران خان کی جانب سے دی گئی، محمد احمد اویس قریشی کی بطور ایڈووکیٹ جنرل پنجاب تعیناتی کا نوٹی فکیشن جلد جاری کیا جائے گا۔

دوسری جانب پاکستان تحریک انصاف کے رہنماء فیاض الحسن چوہان کو وزیراعلیٰ پنجاب چوہدری پرویز الٰہی کا ترجمان مقرر کردیا گیا، راولپنڈی سے رکن پنجاب اسمبلی فیاض الحسن چوہان کو وزیراعلیٰ پنجاب کا ترجمان مقرر کیا گیا ہے، تحریک انصاف سے تعلق رکھنے والے ایم پی اے کی بطور ترجمان تقرری کا نوٹی فکیشن بھی جاری کردیا گیا۔

ادھر پنجاب کابینہ کے 21 ارکان نے حلف اٹھا لیا، گورنر پنجاب بلیغ الرحمن نے 21 رکنی کابینہ سے حلف لیا، گورنر ہاوس لاہور میں پنجاب کابینہ کی حلف برداری کی تقریب ہو ئی جس میں تحریک انصاف کے رہنماوں نے شرکت کی۔

پنجاب کابینہ کے 21 ارکان نے حلف اٹھایا، گورنر پنجاب بلیغ الرحمن نے صوبائی کابینہ شامل ارکان سے حلف لیا۔ حلف اٹھانے والوں میں میاں اسلم اقبال،محسن لغاری،راجہ بشارت،یاسر ہمایوں،ڈاکٹر یاسمین راشد،مراد راس،آصف نکئی،حسین جہانیاں اور عنصر مجید نیازی سمیت دیگر ارکان شامل ہیں۔ جب کہ نئے وزراء کو محکمےبھی الاٹ کر دیئے گئے، کابینہ میں میاں اسلم اقبال ہاؤسنگ اور انڈسٹریز کے وزیر ہوں گے، ڈاکٹر یاسمین راشد محکمہ صحت،میاں محمود الرشید بلدیات اور مراد راس اسکولز ایجوکیشن کے وزیر ہوں گے، راجا بشارت وزیر پارلیمانی امور، علی افضل ساہی وزیر مواصلات، پراسیکوشن اور کوآپریٹو ، لطیف نذر مائنز اینڈ منرل اور نوابزداہ منصور کو محکمہ مال دیا جا رہا ہے۔

وزیر اعلی پنجاب پرویز الٰہی کی کابینہ میں سردار محسن لغاری خزانہ، سردار شہاب الدین سوشل ویلفیئر، سردار حسنین بہادر دریشک محکمہ خوراک اینڈ لائیو اسٹاک، عنصر مجید نیازی محکمہ لیبر اور ملک تیمور کھیلوں کے وزیر ہوں گے، جبکہ احمد اویس کو دوبارہ پنجاب کا ایڈووکیٹ جنرل بنانے کا فیصلہ بھی کیا گیا ہے، مسرت جمشید چیمہ کو محکمہ اطلاعات کے ساتھ وزیراعلیٰ پنجاب کا معاون خصوصی بنایا جائے گا، ارسلان خالد کو محکمہ آئی ٹی کے ساتھ وزیراعلیٰ کا معاون خصوصی بنایا جا رہا ہے۔

مشہور خبریں۔

گوگل اور ایمازون کے خلاف مظاہرہ

?️ 12 ستمبر 2022سچ خبریں:صیہونیوں کو ٹیکنالوجی فراہم کرنے کی وجہ سے امریکہ میں گوگل

جنگ میں یوکرین کے نقصان پر نیویاک کی رپورٹ

?️ 27 جون 2023سچ خبریں:امریکی اخبار نیویارک ٹائمز نے اپنی ایک رپورٹ میں یوکرین کے

وفاق، صوبے 600 ارب روپے ’سرپلس‘ دینے پر متفق

?️ 5 فروری 2024اسلام آباد: (سچ خبریں)ساتویں قومی مالیاتی کمیشن کے تحت تقریباً 15 سال

ہمارا اسرائیل کے ساتھ تصادم کا کوئی ارادہ نہیں ہے: الجولانی

?️ 15 دسمبر 2024سچ خبریں: شام کی نئی سیاسی انتظامیہ کے سربراہ جولانی کے نام

لاہور میں تاریخی جلسہ کریں گے‘ مینڈیٹ ان کے حلق سے اُگلوائیں گے، شیر افضل مروت

?️ 13 اپریل 2024پشین: (سچ خبریں) پاکستان تحریک انصاف کے رہنماء شیر افضل خان مروت نے

باقری نے بھارتی ہم منصب کو پابندیوں کے خاتمے کے مذاکرات کے بارے میں آگاہ کیا

?️ 5 جولائی 2022سچ خبریں:  اسلامی جمہوریہ ایران اور جمہوریہ ہند کے حکام کے درمیان

صیہونی فوجی ریڈیو کا داعش سے وابستہ گروہ کے سرغنہ سے انٹرویو؛ انتشار پھیلانے کی کوشش

?️ 9 جون 2025 سچ خبریں:غزہ کے علاقے رفح میں سرگرم داعش سے وابستہ گروہ

صنفی امتیاز میں اضافہ، وفاقی حکومت کا صوبائی ٹاسک فورس فعال بنانے کا حکم

?️ 29 مئی 2024اسلام آباد: (سچ خبریں) پاکستان میں صنفی امتیاز کی شرح میں مزید

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے