?️
اسلام آباد: (سچ خبریں) پاکستان تحریک انصاف کے سیکریٹری اطلاعات شیخ وقاص اکرم کا کہنا ہے کہ رانا ثناءاللہ کی گھٹیا زبان اس بات کا ناقابلِ تردید ثبوت ہے کہ ایک بار پھر ہائبرڈ نظام کسی پیشگی سازش کے تحت ہماری پرامن اور آئینی جدوجہد کو پرتشدد رنگ دینے کی تیاری کر چکا ہے۔
اپنے ایک بیان میں انہوں نے کہا کہ جو شخص ریاستی قتلِ عام کا مجرم ہو وہ میڈیا پہ بیٹھ کر والد سے ملنے آنے والے بیٹوں کو سرِعام دھمکیاں دے رہا ہے، سچ یہ ہے کہ بہادر عمران خان کے بہادر بیٹوں کے پاکستان آنے کی خبر نے ہی اس پورے بزدل نظام کے ہاتھ پاؤں پھلا دیئے ہیں، ان کے آنے سے جس خوف نے اس جعلی طاقت کے ایوانوں میں لرزہ طاری کیا ہے وہ اس بات کا ثبوت ہے کہ سچائی کتنی طاقتور ہوتی ہے۔
سیکریٹری اطلاعات پاکستان تحریک انصاف کا کہنا ہے کہ ہم واضح کر دینا چاہتے ہیں کہ اگر سلیمان خان اور قاسم خان یا کسی بھی پرامن احتجاجی کارکن کے خلاف طاقت، تشدد یا بربریت کا سہارا لیا گیا تو اس کے نتائج اس ظالم نظام کے لیے ناقابلِ تصور حد تک خطرناک ہوں گے، یہ ملک کسی کے باپ کی جاگیر نہیں، ظلم کے خلاف اٹھنے والی ہر آواز اب متحد ہو چکی ہے اور اس بار فیصلہ ہوگا کہ یہ ملک عوام کا ہے یا کسی مجرم ٹولے کا۔
انہوں نے مزید کہا کہ اسلام آباد کی ماتحت عدالت نے بغیر نوٹس، بغیر سماعت، صرف سرکاری مؤقف کی بنیاد پر 27 یوٹیوب چینلز بند کرنے کا حکم دے دیا ہے، جن پر کوئی الزام نہیں سنا گیا، نہ صفائی کا موقع دیا گیا، سی آر پی سی کی دفعہ 94 کا استعمال اظہارِ رائے کا گلا گھونٹنے کے لیے کیا گیا، یہ وہ چینلز ہیں جنہوں نے اس ہائبرڈ نظام کے خلاف سچ بولا اور سچ سن کر یہ حکومت خوفزدہ ہو جاتی ہے، عدلیہ کو آئین کے آرٹیکل 10 A (فیئر ٹرائل) اور 19 (اظہارِ رائے کی آزادی) کی پاسداری کرنی چاہیئے، نہ کہ صرف ایک فریق کی سہولت بننا۔
شیخ وقاص اکرم کہتے ہیں کہ 26ویں ترمیم کی نتیجے میں یہ عدلیہ کا زوال جاری و ساری ہے، یہ فیصلہ صرف چند یوٹیوبرز کے خلاف نہیں بلکہ ہر اس آواز کے خلاف ہے جو حق اور آزادی کا علم بلند کرتی ہے، بغیر صفائی کا موقع دیئے آوازیں بند کرنا آئینی اور اخلاقی اصولوں کی بے حرمتی ہے، آج ان کی باری ہے تو کل آپ کی باری ہو سکتی ہے، اس لیے اس ظالم نظام کے خلاف ہمیں عمران خان کے اُس نظریے کے سائے تلے نکلنا ہوگا جو کہ ایک آزاد پاکستان کا ہے، نہ کہ غلام پاکستان کا۔


مشہور خبریں۔
ایران کی لیڈرشپ کو خراجِ تحسین پیش کرتے ہیں۔ حافظ نعیم الرحمن
?️ 21 مارچ 2026کراچی (سچ خبریں) امیرِ جماعتِ اسلامی پاکستان حافظ نعیم الرحمٰن نے ایران
مارچ
اسرائیلی حکومت کے منتشر ہونے کے اسباب
?️ 30 جنوری 2023سچ خبریں:سیاسی اور نظریاتی تقسیم کے نتیجے میں صیہونی حکومت کے خاتمے
جنوری
سعودی مبلغ کو ہولوکاسٹ کے متاثرین کے لیے دعا کرنے کا انعام
?️ 9 جولائی 2022سچ خبریں:آل سعود حکومت نے اس سال یوم عرفہ کے موقع پر
جولائی
بھارت اور افغانستان کا پاکستان کے خلاف پروپیگنڈہ آپریشن بے نقاب
?️ 28 مارچ 2026اسلام آباد (سچ خبریں) پاکستان اور خطے کے امن کے خلاف بھارت
مارچ
صیہونیوں کی اپنے مطالبات منوانے کی ناکام کوشش:جہاد اسلامی فلسطین
?️ 5 جولائی 2021سچ خبریں:فلسطین کی اسلامی مزاحمتی تحریک جہاد اسلامی کا کہنا ہے کہ
جولائی
پنجاب کے سکولوں میں گرمیوں کی چھٹیاں 31 اگست تک بڑھا دی گئیں
?️ 7 اگست 2025لاہور (سچ خبریں) پنجاب میں موسم گرما کی تعطیلات میں اضافہ کردیا
اگست
ٹوکیو میں اسرائیل مخالف مظاہرہ، صیہونی سفیر کی ملک بدری کا مطالبہ
?️ 5 نومبر 2026سچ خبریں:جاپان کے دارالحکومت ٹوکیو میں شہریوں نے صیہونی سفارت خانے کے
نومبر
بیلجیئم کا اسرائیل کے خلاف بیان
?️ 9 نومبر 2023سچ خبریں: بیلجیئم کی نائب وزیر اعظم نے آج کہا کہ اسرائیل
نومبر