?️
اسلام آباد: (سچ خبریں) وزیر خزانہ اسحٰق ڈار نے سابق وزیر اعظم اور چیئرمین پاکستان تحریک انصاف (پی ٹی آئی) عمران خان کی ٹوئٹ پر ردعمل دیتے ہوئے کہا ہے کہ ان کا مقصد پاکستان کی سیکیورٹی صورتحال اور سیاسی ماحول خراب کرنا ہے۔
عمران خان کی ٹوئٹ پر ردعمل دیتے ہوئے اسحٰق ڈار نے کہا کہ’عمران خان کی غیر ذمہ دارانہ ٹوئٹ صرف قومی سلامتی کی صورتحال اور سیاسی ماحول کو خراب کرنے کے مقصد سے لکھی گئی ہے’۔
اسحاق ڈار نے اپنی ٹوئٹ میں لکھا کہ ’عمران خان کی جانب سے دنیا کی 27ویں بڑی معیشت کو 2022 میں 47 ویں نمبر پر پہنچانا ان کی بدانتظامی، نااہلی، نالائقی اور کرپشن سے بھرمار دور کا منہ بولتا ثبوت ہے جس کا خمیازہ آج پاکستان کے عوام ناقابل برداشت مہنگائی کی صورت میں بھگت رہے ہیں‘۔
انہوں نے مزید کہا کہ ہر کوئی جانتا ہے جب سے خود غرض اور تکبر میں مبتلا عمران خان کو آئینی طریقے سے وزارت عظمیٰ کے عہدے سے ہٹایا گیا ہے اس وقت سے وہ ہوش کھو چکے ہیں۔
اسحٰق ڈار نے اپنی ٹوئٹ میں لکھا کہ وزیراعظم شہباز شریف اور عمران خان کا موازنہ کیا ہی نہیں جا سکتا، شہباز شریف نے انہیں ایک سیاسی جماعت کے رہنما کے طور پر قومی سلامتی کے موضوع اور نیشنل ایکشن پلان پر مکالمے کے لیے مدعو کیا جس پر عمران خان کا غیر مہذب اور گھٹیا ردعمل انتہائی حیران کن ہے۔
انہوں نے اپنی ٹوئٹ کے آخر میں افسوس کا اظہار کرتے ہوئے لکھا کہ عمران خان اپوزیشن میں ملک کو عزت کے ساتھ آگے بڑھتا دیکھنے کے بجائے زوال پذیر دیکھنا چاہتے ہیں۔
خیال رہے کہ گزشتہ روز عمران خان نے اپنے آفیشل ٹوئٹر اکاؤنٹ پر ایک تصویر شیئر کی تھی جس میں انہوں نے موجودہ دور میں گرفتار ہونے والے افراد کی تصویر اور نام درج کرتے ہوئے پی ڈی ایم کی حکومت کو تنقید کا نشانہ بنایا تھا۔
انہوں نے اپنی ٹوئٹ میں کہا تھا کہ ’میں سازش اور ہارس ٹریڈنگ کے ذریعے قائم کردہ اس امپورٹڈ حکومت کو تسلیم نہیں کرتا‘۔
انہوں نے لکھا تھا کہ ’ میں سازش اور ہارس ٹریڈنگ کے ذریعے قوم پر مسلط کردہ اس امپورٹڈ سرکار کو ہرگزتسلیم نہیں کرتا، 10 ماہ میں اس حکومت کے ہاتھوں معیشت کی تباہی، ننگی فسطائیت کے ذریعے جمہوریت کے قتل، قانون کی حکمرانی اور بنیادی حقوق کے خاتمے اور دہشت گردی کو اپنی ناک تلے پھیلنے کی اجازت دیے جانے پر نگاہ ڈالتا ہوں تو سوچتا ہوں کہ شہباز شریف اتنا بے شرم کیسے ہو سکتا ہے’۔
مشہور خبریں۔
یمن کی دولت لوٹنے والی غیر ملکی کمپنیوں کو انصاراللہ کا انتباہ
?️ 27 ستمبر 2022سچ خبریں:یمن کی انصاراللہ تحریک کے ایک اعلیٰ عہدیدار نے پیر کی
ستمبر
صیہونیوں کو غزہ پر زمینی حملہ کر کے کیا حاصل ہوا ہے؟
?️ 8 نومبر 2023سچ خبریں: عسکری امور کے ماہر نے فلسطینی مجاہدین کی تعریف کرتے
نومبر
کیا بانی پی ٹی آئی کو فوجی جیل میں بھی بھیجا جا سکتا ہے؟
?️ 23 جولائی 2024سچ خبریں: عمران خان نے پیر کے روز اعتراف کیا کہ انہوں
جولائی
غزہ میں اسرائیلی فوجیوں کے رقص کی ویڈیو جاری
?️ 9 دسمبر 2023سچ خبریں:ایسے میں جب غزہ میں جنگ اپنے عروج پر ہے اور
دسمبر
24 نومبر احتجاج: گرفتار 40 مظاہرین کے مزید جسمانی ریمانڈ کی استدعا مسترد
?️ 16 دسمبر 2024 اسلام آباد: (سچ خبریں) اسلام آباد کی انسداد دہشتگردی کی خصوصی
دسمبر
سینیٹ اجلاس میں کشمیریوں سے اظہار یکجہتی کی قرارداد منظور
?️ 4 فروری 2022اسلام آباد(سچ خبریں)سینیٹ اجلاس میں کشمیریوں سے اظہار یکجہتی کی قرارداد منظور
فروری
غزہ کے حامی طلباء کے خلاف امریکی کانگریس نے کیا کہا؟
?️ 5 مئی 2024سچ خبریں: ایک طرف امریکی پولیس کے ہاتھوں طلباء پر جبر تشدد
مئی
جب ہمارے کارکن اٹھائے جا رہے ہوں تو ان حالات میں کیسے مذاکرات کریں،فواد چوہدری
?️ 19 اپریل 2023لاہور: (سچ خبریں) رہنما تحریک انصاف فواد چوہدری کا کہنا ہے کہ
اپریل