?️
اسلام آباد: (سچ خبریں) بجلی کی بڑھتی ہوئی قیمتوں نے بڑے پیمانے کی صنعتوں کو سستی توانائی کے متبادل تلاش کرنے پر مجبور کر دیا ہے۔
ڈان اخبار کی رپورٹ کے مطابق آرٹسٹک ڈینم ملز (اے ڈی ایم) لمیٹڈ نے پاکستان اسٹاک ایکسچینج کو آگاہ کیا ہے کہ کمپنی نے 2.32 میگاواٹ کا سولر پاور پلانٹ فعال کر دیا ہے اور مزید 2.57 میگاواٹ کی گنجائش پر کام جاری ہے، جس سے کل شمسی توانائی کی استعداد 4.89 میگاواٹ تک پہنچ جائے گی۔
پاکستان میں توانائی کی قیمتیں دنیا میں سب سے زیادہ ہیں، جس کے باعث متعدد کمپنیاں قابلِ تجدید توانائی کے ذرائع اپنانے یا پیداوار میں کمی کرنے پر مجبور ہیں، کچھ چھوٹی گھریلو کمپنیاں تو غیر معمولی مہنگائی کے باعث اپنے آپریشن بند کر چکی ہیں یا دبئی، ویتنام اور ملائیشیا جیسے ممالک منتقل ہو گئی ہیں۔
پاکستان میں شمسی توانائی تیزی سے فروغ پا رہی ہے، 2024 میں یہ ملک کی کل بجلی کی پیداوار کا تقریباً 14 فیصد تھی، جب کہ 2025 میں یہ شرح ماہانہ یوٹیلیٹی بجلی میں تقریباً 25 فیصد تک پہنچ گئی۔
اس تیزی کی بڑی وجہ سستی چینی سولر ٹیکنالوجی اور وافر دھوپ ہے، ابتدا میں شمسی توانائی گھروں اور کسانوں میں مقبول ہوئی، لیکن اب صنعتیں بھی مہنگی گرڈ بجلی کے متبادل کے طور پر اسے اپنا رہی ہیں۔
پہلے کے اعلانات کے مطابق انٹرنیشنل اسٹیل 6.4 میگاواٹ کا سولر پروجیکٹ لگا رہا ہے، دیوان سیمنٹ 6 میگاواٹ، اور کوہِ نور ملز 7.2 میگاواٹ کے منصوبے پر کام کر رہی ہیں۔
ایک صنعت کار نے کہا کہ شمسی توانائی کی طرف رجحان صرف مہنگی بجلی کی وجہ سے نہیں بلکہ بھاری ٹیکسوں، متعدد لیویز، سپر ٹیکس اور بدعنوانی کی بھرمار کے باعث بھی ہے، جنہوں نے کاروبار کے لیے حالات انتہائی مشکل بنا دیے ہیں۔
انہوں نے مزید کہا کہ بڑھتی ہوئی شمسی توانائی کے استعمال سے گرڈ کی بجلی کی کھپت میں کمی آرہی ہے، جس سے حکومت کا گردشی قرضہ (سرکلر ڈیٹ) بڑھ رہا ہے، جو اس وقت 20 کھرب 60 ارب روپے تک پہنچ چکا ہے، حکومت نے 10 کھرب 20 ارب روپے بینکوں سے قرض لینے کا منصوبہ بنایا ہے، تاکہ نجی بجلی گھروں (آئی پی پیز) کے واجبات ادا کیے جا سکیں، جس کا بوجھ آخرکار صارفین پر ڈالا جائے گا۔
دوسری جانب برآمدی شعبہ بھی مشکلات کا شکار ہے، گل احمد ٹیکسٹائل نے مسلسل نقصانات، بڑھتی ہوئی لاگت، پالیسی میں تبدیلیوں اور علاقائی مسابقت کے باعث ملبوسات کی برآمدات بند کرنے کا اعلان کیا ہے۔
پاکستان اسٹاک ایکسچینج (پی ایس ایکس) نے فلپ مورس (پاکستان) لمیٹڈ کی رضاکارانہ طور پر ڈی لسٹنگ کی منظوری دے دی ہے، پی ایس ایکس کے نوٹی فکیشن کے مطابق یہ ڈی لسٹنگ 6 اکتوبر سے مؤثر ہوگی۔


مشہور خبریں۔
نیتن یاہو کی سب سے احمقانہ جنگ امریکہ کو تباہی کی طرف لے جا سکتی ہے؛ الجزیرہ کی رپورٹ
?️ 13 اپریل 2026سچ خبریں:الجزیرہ کی رپورٹ میں ماہرین نے ایران کے خلاف امریکی اسرائیلی
اپریل
ایرانی اور پاکستانی پارلیمانی حکام کا مشترکہ چیلنجز کے خلاف اسلامی اتحاد پر زور
?️ 12 اکتوبر 2021سچ خبریں: اسلامی مشاورتی اسمبلی میں ایران پاکستان پارلیمانی فرینڈشپ گروپ کے سربراہ
اکتوبر
جولانی حکومت صیہونیوں کا مقابلہ کرنے سے کیوں ڈرتی ہے؟
?️ 22 اگست 2026سچ خبریں:ذرائع کے مطابق شام صیہونی حکومت کی فوجی نقل و حرکت
اگست
صیہونیوں کے ہاتھوں یروشلم اور جنین میں 5 فلسطینی شہید / غزہ کی سرحدوں پر صیہونی فوج میں الرٹ جاری
?️ 26 ستمبر 2021سچ خبریں:فلسطینی ذرائع نے بتایا ہے کہ اسرائیلی فورسز نے یروشلم اور
ستمبر
اٹھارویں ترمیم واپس لینے کی کوئی تجویز زیرِغور نہیں، مسلم لیگ (ن)
?️ 3 دسمبر 2023اسلام آباد:(سچ خبریں) رہنما مسلم لیگ (ن) نے احسن اقبال نے واضح
دسمبر
غزہ جنگ کا طویل ہونا کس کے نقصان میں ہے؟صیہونی اخبار
?️ 13 مارچ 2024سچ خبریں: صیہونی اخبار نے صہیونی حکام کے درمیان واضح حکمت عملی
مارچ
افغانستان اپنی زمین کو پاکستان کے خلاف استعمال ہونے سے روکے
?️ 25 مئی 2021اسلام آباد (سچ خبریں) کور کمانڈرز کانفرنس میں فوجی قیادت نے سرحد
مئی
پاکستان میں پہلی بار پٹرول پر سیلز ٹیکس 17فیصد کی بجائے صفر کردیا ہے
?️ 16 نومبر 2021اسلام آباد(سچ خبریں)تفصیلات کے مطابق وزیر مملکت اطلاعات و نشریات فرخ حبیب
نومبر