صدرمملکت عارف علوی متحدہ عرب امارات پہنچ گئے

?️ 9 اکتوبر 2021

دبئی (سچ خبریں) صدر مملکت عارف علوی اپنے دو روزہ سرکاری دورے پر دبئی ایکسپو 2020 شرکت کیلئے متحدہ عرب امارات پہنچ گئے، وہ اپنے دورے کے دوران پاکستانی پیویلین کے دورے کے ساتھ ساتھ یو اے ای کی اعلیٰ قیادت سےملاقات بھی کریں گے اور ان کے ساتھ مختلف امور پر تبادلہ خیال کریں گے۔

تفصیلات کے مطابق صدر عارف علوی متحدہ عرب امارات کے 2روزہ دورے پر دبئی پہنچ گئے ، وزیر انصاف یو اے ای اور پاکستانی سفارت خانے کے حکام  نے ان کا استقبال کیا۔ دورے کے دوران صدر پاکستان دبئی ایکسپو میں پاکستانی پیویلین کا دورہ کریں گے جبکہ متحدہ عرب امارات کی اعلیٰ قیادت سے ملاقات بھی کریں گے امید کی جا رہی ہے کہ وہ اس دورے میں مکٹلف امور پر تبادلۂ خیال بھی کریں گے۔

واضح رہے کہ صدر عارف علوی دبئی میں روشن اپنا گھر پروگرام کی تقریب رونمائی میں شرکت کریں گے اور دبئی میں کاروباری شخصیات،کمپنیوں کے سی ای اوز سے ملاقات کریں گے۔ صدر پاکستان کے دورے کا مقصد دونوں ممالک کے مابین تجارتی و معاشی تعلقات کو مستحکم کرنا ہے۔ خیال رہے دبئی ایکسپو 2020 میں 192 ممالک، تنظیمیں، کاروباری ادارے شریک ہیں، دبئی ایکسپو یکم اکتوبر سے شروع ہوئی، جو 31مارچ تک جاری رہے گی۔