شدت پسندی کے خلاف آوزیں بلندہونی چاہئے: فواد چوہدری

🗓️ 25 اکتوبر 2021

اسلام آباد(سچ خبریں) وفاقی وزیر اطلاعات فواد چوہدری نے کہا کہ  شدت پسندی کےخلاف آوازوں کو بلند ہونا ہوگا۔ قومی ٹیم کے ہاتھوں بھارت کی تاریخی  ہار پر کشمیر میں جشن مودی اینڈ کمپنی کی آنکھیں کھولنے کے لیے کافی ہے۔پاکستان نے بھارت کو دس وکٹوں سے شکست دی تھی۔

فواد چوہدری نے کہا کہ مودی کے چمچوں نے مسلمانوں کو ذہنی، جسمانی اذیت پہنچائی، اس کی مذمت کرنی ہوگی۔ خیال رہے کہ کپتان بابر اعظم اور محمد رضوان کی ناقابل شکست نصف سنچریوں کی بدولت پاکستان نے اتوار کو بھارت کو 10 وکٹوں سے شکست دے کر ٹی ٹوئنٹی ورلڈ کپ میں اپنے حریف سے پہلی بار فتح حاصل کی۔

دوسری جانب وفاقی وزیر داخلہ شیخ رشید احمد کا کہنا ہے کہ گزشتہ روز بھارت کے ساتھ میچ عام کرکٹ میچ نہیں کرکٹ پلس تھا، اختیار ہوتا تو آج عام تعطیل کا اعلان کر دیتا۔انہوں نے اسلام آباد میں پریس کانفرنس کرتے ہوئے کہا کہ بھارت کو دس وکٹوں سے شکست پر تاریخی جشن منایا گیا، بھارت کو 10  وکٹ سے شکست بہت بڑی فتح ہے۔

شیخ رشید نے کہا کہ میرا فائنل کل ہی ہوگیا، میرا ورلڈ کپ کل ہی تھا جو پاکستان نے جیت لیا۔وزیر داخلہ نے کہا کہ میچ دیکھنے کے لیےساڑھے چارلاکھ کا ٹکٹ لیا،اتنے منہگے ہوٹل میں رکا، میچ دیکھے بغیروزیراعظم کے حکم پر واپس آیا، جیت کے بعد میرے پیسے وصول ہوگئے۔

انہوں نے کہا کہ بھارت کوشکست دے کرپاکستان نے ورلڈ کپ جیت لیا ہے ، میرا ورلڈ کپ کل ہی ہوگیا، اب کوئی فرق نہیں پڑتا کہ کیا ہوتا ہے، جو دس وکٹوں سے بھارت کو شکست دی 74 سال میں اس سے بڑی شکست نہیں دی، پاکستان نےبھارت کو چنے چبوائے اور 10وکٹوں سے شکست دی ، یہ فتح تقاضا کرتی تھی کہ جشن منائیں۔