سوشل میڈیا کے ذریعے متاثرین کیلئے سوا کروڑ روپے جمع کرنے والی انفلوئنسر

🗓️

اسلام آباد: (سچ خبریں)اس وقت سیلاب متاثرین کی بحالی کے لیے جہاں وفاقی اور صوبائی حکومتیں فنڈز جمع کرنے میں مصروف ہیں، وہیں متعدد فلاحی تنظیمیں اور عالمی اداروں سمیت معروف شخصیات بھی اس کام میں متحرک دکھائی دیتی ہیں۔

اگرچہ متعدد شوبز شخصیات نے بھی مختلف طریقوں سے سیلاب متاثرین کی بحالی اور مدد کے لیے فنڈز جمع کرنا شروع کردیے ہیں مگر ایک ایسی سوشل میڈیا انفلوئنسر بھی ہیں جنہوں نے آرٹ ورک کو فروخت کرنے سمیت اپنے فالوورز سے ایک کروڑ 30 لاکھ روپے کی خطیر رقم جمع کرلی۔

جی ہاں، پنجاب کے دارالحکومت لاہور سے تعلق رکھنے والی سوشل میڈیا انفلوئنسر اور آرٹ ڈیلر علیزہ رضا نے اپنے فالوورز سمیت آرٹ کی فروخت سے ایک کروڑ 30 لاکھ روپے جمع کرلیے۔

علیزہ رضا نے ڈان امیجز کو بتایاکہ ابتدائی طور پر انہوں نے سیلاب متاثرین کی بحالی کے لیے کچھ آرٹسٹ سے ان کے فن پارے مانگے، جنہیں وہ فروخت کرکے اس سے حاصل ہونے والی رقم متاثرین کی بحالی میں خرچ کرتیں۔

انہوں نے بتایا کہ سب سے پہلے انہوں نے رخشندہ اٹوار سے فن پارے عطیہ کرنے کے لیے رابطہ کیا، جنہوں نے انہیں متعدد فن پارے دیے، جس کے بعد انہوں نے دیگر آرٹسٹوں سے بھی فن پارے حاصل کیے۔

علیزہ رضا نے ڈان امیجز کو بتایا کہ انہیں مغیث ریاض، سونیا چندریگر، امارا خان، حسین جمیل اور انوشکا رستومجی سمیت دیگر آرٹسٹس نے بھی اپنے فن پارے دیے۔

ان کے مطابق انہوں نے مذکورہ آرٹسٹس کے فن پاروں کی پرنٹنگ کاپیاں محض 6 ہزار روپے میں فروخت کے لیے پیش کیں جب کہ اصلی فن پاروں کو انہوں نے ساڑھے 4 لاکھ روپے کے بجائے محض ڈھائی لاکھ روپے میں فروخت کے لیے پیش کیا، تاکہ وہ زیادہ سے زیادہ فنڈز جمع کر سکیں۔

انہوں نے حیرانگی کا اظہار کیا کہ محض ایک ہی ہفتے میں انہوں نے فن پاروں کی فروخت سے ایک کروڑ روپے حاصل کرلیے، جب کہ انہوں نے سوچا تھا کہ وہ زیادہ سے زیادہ 10 لاکھ روپے جمع کر پائیں گی۔

علیزہ رضا نے بتایا کہ جب انہوں نے فن پاروں سے پیسے جمع کیے تو انہوں نے اپنے 31 ہزار فالوورز کو بھی اپیل کی کہ ہر ایک فالوور انہیں کم از کم ایک ہزار روپے بھیجے۔

ان کے مطابق انہیں تمام 31 ہزار فالوورز نے بھی باالترتیب ایک ایک ہزار روپے بھیجے اور یوں وہ ایک ہی ہفتے میں ایک کروڑ 30 لاکھ روپے کے فنڈز جمع کرنے میں کامیاب ہوگئیں۔

انہوں نے بتایا کہ انہوں نے فن پاروں کی فروخت کے لیے پیسوں کی ادائیگی کا آسان طریقہ بھی متعارف کرایا اور خریداروں کو الخدمت، ماما بے بی فنڈ، بالی میموریل اور سب ساتھ جیسی فلاحی تنظیموں کے اکاؤنٹ نمبرز دیے اور انہیں اپنی مرضی کی تنظیم کو فن پارے کی قیمت ادا کرنے کی درخواست کی۔

علیزہ رضا کے مطابق ان کی جانب سے جمع کیے گئے ایک کروڑ 30 لاکھ روپے کے عطیات میں سے بہت سارے عطیات براہ راست چاروں مذکورہ تنظیموں کے پاس چلے گئے جب کہ ان کے پاس بھی فالوورز نے رقم بھیجی، جنہیں وہ مذکورہ تنظیموں سمیت دیگر اداروں کے تعاون سے متاثرین تک پہنچائیں گی۔

مشہور خبریں۔

سعودی اتحاد نے یمن کے آثار قدیمہ پر بھی رحم نہیں کیا

🗓️ 21 جون 2021سچ خبریں:یمن کے خلاف سعودی اتحاد کی جارحیت کے نتیجہ میں اس

مغرب کو اسرائیل کے جنگی جرائم سے خود کو دور رکھنا چاہیے

🗓️ 25 نومبر 2023سچ خبریں:ترکی کے وزیر خارجہ ہاکان فیدان نے استنبول میں بین الاقوامی

لبنان میں صہیونی جاسوس کی گرفتاری کی تفصیلات

🗓️ 26 جنوری 2025سچ خبریں:لبنان کے ذرائع نے صہیونی حکومت کے ایک جاسوس کی گرفتاری

پاکستانی تخلیق کاروں کو وائرل مواد کی تیاری میں مدد کے لیے ٹک ٹاک کا پروگرام

🗓️ 22 اکتوبر 2024سچ خبریں: شارٹ ویڈیو شیئرنگ پلیٹ فارم ٹک ٹاک کی جانب سے

روس اور ایران کے خلاف مغرب کی شکست پر جاسوسی تنظیموں میں خوف

🗓️ 24 جولائی 2022سچ خبریں:پولیٹیکو میگزین نے اپنی ایک رپورٹ میں امریکہ میں دنیا کے

غزہ میں تباہ کن ویرانی؛ 90 فیصد رہائشی علاقے زمین بوس

🗓️ 19 جنوری 2025سچ خبریں:غزہ میں جنگ بندی کے نفاذ اور قابض اسرائیلی افواج کے

اگر اسرائیل حزب اللہ جنگ ہوتی ہے تو کیا ہوگا؟

🗓️ 15 اگست 2023سچ خبریں: لبنان کی حزب اللہ کے سکریٹری جنرل نے اس بات

کیا جی سیون کے رہنماؤں نے غزہ کی جنگ کے بارے میں بات کی؟

🗓️ 14 جون 2024سچ خبریں: امریکی صدر نے دعویٰ کیا کہ جی سیون کے رہنماؤں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے