سندھ میں انسداد پولیو مہم کا آج سے آغاز ہوگا

?️ 13 دسمبر 2021

کراچی (سچ خبریں)  سندھ میں رواں سال کی آخری انسداد پولیو مہم کا آج سے آغاز ہوگا، مہم کا افتتاح وزیر اعلی سندھ مراد علی شاہ کریں گے یہ مہم 19 دسمبر تک جاری رہے گی ،مہم میں 90لاکھ سے زائد بچوں کو قطرے پلائے جائیں گے اس کے علاوہ بچوں کو وٹامن اے کے قطرے بھی دئے جائیں گے۔

تفصیلات کے مطابق سندھ میں انسداد پولیومہم کا آج سے آغاز ہوگا، مہم کا افتتاح وزیراعلیٰ سندھ مراد علی شاہ کریں گے، انسداد پولیومہم 19 دسمبر تک جاری رہے گی۔ایمرجنسی آپریشن سینٹر کا کہنا ہے کہ 90لاکھ سےزائدبچوں کو قطرے پلائے جائیں گے۔

واضح رہے کہ انسداد پولیو مہم حکام نے کہا ہےکہ بچوں کووٹامن اےکےقطرے بھی دیے جائیں گےاور مخصوص علاقوں میں 12سال سے زائدعمرکے افراد کو کورونا ویکسین بھی دی جائے گی۔

یاد رہے گذشتہ ماہ وزیر اعظم عمران خان کی زیر صدارت پولیو کے خاتمے کے لیے ٹاسک فورس کے اجلاس میں نیشنل ایمرجنسی ایکشن پلان 23-2022 کی منظوری دی تھی۔ خیال رہے کہ پاکستان میں پولیو کے حوالے سے کافی کاوشیں کی جارہی ہیں۔ وزیر اعظم نے پولیو کے خاتمے میں مدد کے لیے عالمی اداروں ڈبلیو ایچ او، یونیسف، بل گیٹس فاؤنڈیشن اور دیگر سے اظہار تشکر کیا تھا۔