زلمی بخاری کا حکومت پر اپنی ٹیم کے اراکین کو اغوا کرنے کا الزام

?️ 21 جولائی 2024

سچ خبریں: پاکستان تحریک انصاف کے رہنما زلمی بخاری نے الزام لگایا ہے کہ ان کے انٹرنیشنل میڈیا کوآرڈینیٹر احمد جنجوعہ کو صبح سویرے اغوا کر لیا گیا ہے۔

زلمی بخاری نے یہ بھی دعویٰ کیا کہ پی ٹی آئی سے وابستہ سوشل میڈیا کے تین کارکنان بھی اغوا کیے جا چکے ہیں۔ ان کا کہنا تھا کہ پچھلے دو ہفتوں کے دوران تحریک انصاف کے سوشل میڈیا اکاؤنٹس پر سخت کریک ڈاؤن ہوا ہے۔

یہ بھی پڑھیں: قانون سازی ہو اور گمشدگیوں میں ملوث افراد کو پھانسی دی جائے، جسٹس محسن اختر کیانی

انہوں نے مزید کہا کہ ملک میں ہونے والے مظالم کی عالمی سطح پر رپورٹنگ کرنے کی وجہ سے ان کی ٹیم کو اغوا کیا جا رہا ہے، زلمی بخاری نے موجودہ حکمرانوں کو تنبیہ کرتے ہوئے کہا کہ بنیادی انسانی حقوق کی اس پامالی کو زیادہ دیر تک جاری نہیں رہنے دیا جائے گا۔

مزید پڑھیں: وکیل جبران ناصر کے ’اغوا‘ کے خلاف مقدمہ درج

اس سے پہلے پی ٹی آئی چیئرمین بیرسٹر گوہر نے دعویٰ کیا تھا کہ مظفر گڑھ سے تعلق رکھنے والے رکن قومی اسمبلی معظم جتوئی کو اغوا کر لیا گیا ہے۔