?️
اسلام آباد (سچ خبریں) ملک میں کھاد کی ذخیرہ اندوزی سے ربیع سیزن کی فصل بری طرح متاثر ہونے کا خدشہ پیدا ہوگیا ہے، وزیراعظم عمران خان نے کہا کہ کھاد کی ذخیرہ اندوزی سے ربیع سیزن کی فصل کی پیداوار متاثر ہوسکتی ہے، ذخیرہ اندوزوں کے ساتھ کوئی نرمی نہ کی جائے، کھاد کی مناسب فراہمی کے لیے انتظامی اقدامات کو یقینی بنایا جائے۔
میڈیا رپورٹس کے مطابق وزیراعظم کی زیرصدارت ملک میں کھاد کی طلب و رسد کا جائزہ اجلاس ہوا، اجلاس میں وزیراعظم کو کھاد کی دستیابی سے متعلق بریفنگ میں بتایا گیا کہ گزشتہ ہفتے یومیہ اوسطاً 19 ہزار میٹرک ٹن کھاد کی فراہمی کو یقینی بنایا گیا، انسداد سمگلنگ میں پنجاب، خیبرپختونخوا اور بلوچستان کی صوبائی حکومتوں نے انسداد اسمگلنگ مہم کے تحت یوریا کے 92845 تھیلے ضبط کیے۔
وزیراعظم عمران خان نے کہا کہ پی ٹی آئی کی حکومت نے ملکی تاریخ میں پہلی بار کسان دوست پالیسیاں متعارف کرائیں، کسان پاکستان کی معیشت میں ریڑھ کی ہڈی کی حیثیت رکھتے ہیں۔ انہوں نے کہا کہ کھاد کی ذخیرہ اندوزی سے ربیع سیزن کی فصل کی پیداوار متاثر ہوسکتی ہے، ذخیرہ اندوزوں کے ساتھ کوئی نرمی نہ برتی جائے، کھاد کی فراہمی کے انتظامی اقدامات کو یقینی بنایا جائے، یوریا کی قلت سے متعلق افواہوں کو دور کرنے کیلئے عوامی آگاہی مہم چلائی جائے۔
دوسری جانب وزیراعظم عمران خان نے مشترکہ مفادات کونسل کا اجلاس کل جمعرات کو طلب کر لیا ہے، ذرائع کے مطابق سی سی آئی اجلاس کل جمعرات کو وزیراعظم عمران خان کی زیر صدارت پی ایم ہاؤس میں ہو گا، چاروں صوبائی وزرائے اعلیٰ، وفاقی وزیر بین الصوبائی روابط سمیت متعلقہ حکام شریک ہوں گے، مشترکہ مفادات کونسل کے اجلاس کی تیاریاں مکمل کرلی گئیں، اجلاس میں مردم شماری پر مشاورت سمیت گزشتہ فیصلوں کا جائزہ لیا جائے گا، مشترکہ مفادات کونسل ساتویں مردم شماری منعقد کرنے کی منظوری دے گی۔
ذرائع کے مطابق اجلاس میں مشترکہ مفادات کونسل کی سالانہ رپورٹ کا جائزہ لیا جائے گا، مشترکہ مفادات کے گزشتہ اجلاسوں کے فیصلوں پر عملدرآمد کا جائزہ لیا جائے گا، مشترکہ مفادات کونسل کے مستقل سیکرٹریٹ کے قیام کا جائزہ لیا جائے گا۔ ذرائع کے مطابق اجلاس میں سندھ طاس معاہدے سے متعلق اٹارنی جنرل کی سفارشات کا جائزہ لیا جائے گا،کے فور منصوبے کے لیے 12 سو کیوسک اضافی پانی کو مختص کرنے کا جائزہ لیا جائے گا، مشترکہ مفاد کونسل کے اجلاس میں ایل این جی کی درآمد کے حوالے سے غور کیا جائے گا۔


مشہور خبریں۔
بائیڈن انتظامیہ کے ہنٹر پر فضول خرچیوں کا انکشاف
?️ 8 ستمبر 2025سچ خبریں: امریکی میڈیا کی رپورٹس کے مطابق، امریکی صدر جو بائیڈن کی
ستمبر
امریکی ڈبلن خواتین کی جیل؛ زہریلا ماحول
?️ 16 مارچ 2022سچ خبریں:ریاستہائے متحدہ میں ڈبلن خواتین کی جیل کو ریپ کلب کا
مارچ
چین، کرغزستان اور ازبکستان کے درمیان مالی معاہدہ، بیلٹ اینڈ روڈ کے تحت نئی ریلوے لائن کی تعمیر
?️ 17 دسمبر 2025چین، کرغزستان اور ازبکستان کے درمیان مالی معاہدہ، بیلٹ اینڈ روڈ کے
دسمبر
جسٹس صلاح الدین پنہورکابینچ کا حصہ بننے سے معذرت، مخصوص نشستیں کیس کی سماعت کرنے والا آئینی بینچ ٹوٹ گیا
?️ 27 جون 2025اسلام آباد: (سچ خبریں) جسٹس صلاح الدین پنہورکا بینچ کا حصہ بننے
جون
ہنٹر بائیڈن: نیتن یاہو جیل سے فرار ہونے کے لیے جنگ کو بھڑکانا چاہتے ہیں
?️ 23 جولائی 2025سچ خبریں: سابق امریکی صدر جو بائیڈن کے بیٹے ہنٹر بائیڈن نے
جولائی
اگر دشمن جنگ کو طول دے گا تو فلسطینی کیا کریں گے؟
?️ 17 نومبر 2023سچ خبریں: حماس کے سیاسی دفتر کے سربراہ نے اس بات پر
نومبر
سپریم کورٹ پریکٹس اینڈ پروسیجر ترمیمی آرڈیننس 2024 سینیٹ میں پیش
?️ 1 نومبر 2024اسلام آباد: (سچ خبریں) قائم مقام چیئرمین سیدال خان کی زیرِ صدارت
نومبر
اسرائیل قاہرہ کے ساتھ گیس معاہدے کے بدلے رفح بارڈر کو ٖفلسطینیوں کے خلاف استعمال کرنا چاہتا ہے
?️ 21 دسمبر 2025اسرائیل قاہرہ کے ساتھ گیس معاہدے کے بدلے رفح بارڈر کو ٖفلسطینیوں
دسمبر