امریکی ڈبلن خواتین کی جیل؛ زہریلا ماحول

?️ 16 مارچ 2022

سچ خبریں:ریاستہائے متحدہ میں ڈبلن خواتین کی جیل کو ریپ کلب کا نام دیا گیا ہے۔
امریکی کانگریس کے تین عہدیداروں نے حال ہی میں کیلیفورنیا کی ڈبلن فیڈرل جیل کا دورہ کیا جو ایک قومی اسکینڈل میں گھری ہوئی ہے،اسکینڈل میں جیل کے چار اصلاحی افسران پر جنسی جرائم کا الزام عائد کیا گیا ہے جبکہ ایک سابق خاتون قیدی کا کہنا ہے کہ ایک محافظ نے اس کی خفیہ فائلوں تک رسائی حاصل کی اور ان پر دباؤ ڈالا کہ وہ اس مطالبات مانے۔

رپورٹ کے مطابق کیلیفورنیا کے ڈیموکریٹس رکن ایرک سوالول، جیکی سپیئر اور کیرن باس نے سان فرانسسکو سے تقریباً 40 میل مشرق میں واقع سانتا ریٹا جیل کے قریب واقع وفاقی خواتین کی جیل کا دورہ کیا۔

سوالول کا کہنا ہے کہ اس مختصر دورے کے دوران وہ کچھ عملے کا انٹرویو کرنے اور جیل کے اندر موجود کچھ خواتین سے بات کرنے میں کامیاب رہے،اسپیئر نے صحافیوں کو بتایا کہ اس جیل میں زہریلے کلچر والا ماحول ہے،آپ کو اس ادارے میں ثقافتی بدعنوانی کا سامنا ہے جس کا ازالہ ہونا چاہیے۔

انہوں نے بدسلوکی کے بارے میں بات کرنے پر قیدیوں اور عملے کو درپیش انتقامی کارروائیوں کا بھی ذکر کیا،کانگریس کے اس نمائندے کا کہنا ہے کہ دورے کے دن حیرت انگیز طور پر خفیہ مقامات پر کیمرے نصب کیے گئے تھے اور بہت سے ریپ وہاں ہوئے تھے۔