خیبرپختونخوا حکومت میں شامل کچھ لوگ طالبان کو بھتہ دیتے ہیں۔ خواجہ آصف

?️ 6 جنوری 2026

اسلام آباد (سچ خبریں) وزیر دفاع خواجہ آصف نے کہا ہے کہ افغان طالبان اور کالعدم تحریک طالبان پاکستان (ٹی ٹی پی) قابل اعتبار نہیں۔ یہ لوگ بھارت کے ساتھ ملے ہوئے ہیں۔ جبکہ خیبرپختونخوا حکومت میں شامل کچھ لوگ طالبان کو بھتہ دیتے ہیں۔

وزیر دفاع خواجہ آصف نے اپنے ایک انٹرویو میں کہا کہ خیبرپختونخوا کے معاملے کو سیاسی طور پر حل کرنا چاہیے۔ میں پاکستان تحریک انصاف (پی ٹی آئی) پر پابندی اور گورنر راج کے حق میں نہیں۔ کیونکہ سیاسی پارٹیوں پر پابندی کا تجربہ ماضی میں کامیاب نہیں رہا۔

خواجہ آصف نے کہا کہ پاک بھارت جنگ میں پاکستان کا جواب پوری دنیا نے دیکھا۔ اگر بھارت نے اب بھی کوئی ایڈونچر کیا تو ویسے ہی جواب دیا جائے گا۔ پاکستانی فوج کا لوہا پوری دنیا مانتی ہے۔ جبکہ مئی 2025 کی جنگ کے بعد بھارت کا اعتماد تباہ ہوگیا۔