حکومت پولیو کے مکمل خاتمے کے لئے پرعزم ہے۔ وزیراعظم شہباز شریف

?️ 3 جولائی 2025

اسلام آباد (سچ خبریں) وزیراعظم شہبازشریف نے اپنے بیان میں کہا حکومت پولیو کے مکمل خاتمے کےلئے پرعزم ہے، چیلنجز کے باوجود پولیو فری پاکستان کا ہدف جلد حاصل کر لیں گے۔

تفصیلات کے مطابق وزیراعظم شہبازشریف کی زیرصدارت انسداد پولیو ٹاسک فورس کا اجلاس ہوا، اجلاس سے خطاب میں وزیراعظم نے کہا ہر بچے کو اس موذی مرض سے بچانے کا عزم کرتے ہیں، یقینی بنانا چاہیئے ہر بچے کو ویکسین کی متعدد خوراکیں ملیں اور وہ پولیو سے محفوظ رہے،پاکستان نے پولیو کےخلاف اہم پیشرفت کی ہے۔

ذرائع کے مطابق انسداد پولیو کیلئے صوبائی حکومتوں، اداروں کی کوششیں اور تعاون لائق تحسین ہیں، پولیو ورکرز کی حفاظت ہماری اولین ترجیح ہے، اسٹیک ہولڈرز کو پولیو کےخاتمے کے لئے یکجان ہو کر مزید تیزی سے کام کرنا ہوگا، انسداد پولیو میں پاکستان کا ہر طرح سے ساتھ دینے پر سعودی ولی عہد کا مشکور ہوں، انسداد پولیو مہم میں بل گیٹس فاؤنڈیشن نے بھی بہت اہم اور قابل تحسین کردار ادا کیا ہے۔

اجلاس کوبتایاگیاکہ جنوبی خیبرپختونخوا کےعلاقوں میں پولیو وائرس کےمکمل خاتمے کے لیےہرڈسٹرکٹ میں درپیش مسائل کی نسبت سےمخصوص انسداد پولیو مہم تشکیل دی جا رہی ہے،ملک میں نا صرف بچوں میں پولیو کیسز بلکہ اس کی ماحولیاتی موجودگی کو ختم کرنے کیلئے بھی کوشاں ہیں۔