حکومتی پالیسیوں کی وجہ سے ملکی معیشت مضبوط ہو رہی ہے:صدر مملکت

?️ 13 مارچ 2021

کراچی (سچ خبریں) صدر مملکت ڈاکٹر عارف علوی نے کہا ہے کہ حکومت کی بہترین پالیسیوں کے باعث ملکی معیشت مضبوطی کی جانب گامزن ہے،نئے رحجانات کو دیکھ کر ہمیں اپنی پالیسیاں مرتب کرنا ہونگی،مالی اداروں کو زیادہ مستحکم اور جدیدتقاضوں کے مطابق استوار کرنا وقت کی ضرورت ہے۔

صدر ڈاکٹر عارف علوی نے کراچی میں مصنوعی زہانت سے انسداد مالی جرائم کے عنوان سے منعقدہ کانفرنس سے خطاب کرتے ہوئے کہا کہ حکومت کی بہترین پالیسیوں کے باعث ملکی معیشت مضبوطی کی جانب گامزن ہیں نچلی سطح پر مہنگائی پر قابو پانے کیلئے اقدامات جاری ہیں،ٹیکسٹائل کے شعبہ میں روزگار کے مواقع پیدا ہوئے ہیں۔

ان کا کہنا تھا کہ برینڈ پاکستان کو عالمی سطح پر فروغ دینے کی ضرورت ہے،بین الاقوامی سطح پر پاکستان کے خلاف پراپیگنڈا کیا گیا،صدر مملکت نے کہا کہ نئے رحجانات کو دیکھ کر ہمیں اپنی پالیسیاں مرتب کرنا ہونگی،مالی اداروں کو زیادہ مستحکم اور جدیدتقاضوں کے مطابق استوار کرنا وقت کی ضرورت ہے۔

ترقی کیلئے ضروری ہے کہ خواتین کو قومی دھارے میں شامل کیا جائی خواتین کیلئے روزگار کے مزید مواقع پیدا کرنا ضروری ہے۔انہوں نے مزید کہا کہ وزیراعظم عمران خان نے کورونا وائرس کے دوران بہترین پالیسی اپنائی:وزیراعظم نے بین الاقوامی سطح پر سمارٹ لاک ڈاؤن کی پالیسی متعارف کرائی۔

انہوں نے مزید کہا کہ حکومت نے کورونا کے دوران کمزور طبقے کو مالی معاونت فراہم کی وبائ کے دوران صنعتوں کیلئے بھی خصوصی پیکجز متعارف کرائے گئی:صدر مملکت کا مزید کہنا تھا کہ بین الاقوامی سطح پر آئی ٹی سیکٹر میں وسیع مواقع موجود ہیں،مصنوعی ذہانت کے ذریعے مالیاتی اداروں کے نظام کو مزید موثر بنایا جا سکتا ہے۔