بنوں و میران شاہ روڈ پر دفعہ 144 نافذ، شہریوں اور نجی گاڑیوں کی آمدورفت پر پابندی

?️ 23 اگست 2025

بنوں (سچ خبریں) ضلعی انتظامیہ نے بنوں، میران شاہ روڈ اور بکاخیل منڈی سمیت مختلف علاقوں میں دفعہ 144 نافذ کر دی۔

اعلامیہ کے مطابق شہریوں اور نجی گاڑیوں کی آمد و رفت پر آج اور کل صبح 8 بجے سے شام 6 بجے تک پابندی عائد رہے گی، یہ پابندی نفری اور لاجسٹک سامان کی نقل و حرکت کے پیشِ نظر لگائی گئی ہے تاکہ کسی بھی ممکنہ تخریبی کارروائی سے عوام کے جان و مال کو محفوظ بنایا جا سکے۔

اعلامیہ میں کہا گیا ہے کہ پابندی سیدگی، میران شاہ، غلام خان، آزاد منڈی روڈ اور بکاخیل منڈی پر بھی نافذ ہوگی، نقل و حرکت پر پابندی کی خلاف ورزی کرنے والوں کے خلاف قانونی کارروائی عمل میں لائی جائے گی۔