اپنے انتہائی مخلص، بااعتماد اور بھائی عرفان صدیقی کی وفات پر بڑا دکھ ہوا۔ نوازشریف

?️ 10 نومبر 2025

لاہور (سچ خبریں) پاکستان مسلم لیگ ن کے صدر محمد نوازشریف نے عرفان صدیقی کی وفات پر اُن کے اہل خانہ سے دلی ہمدردی کا اظہار کیا۔

سابق وزیراعظم میاں محمد نوازشریف نے کہا کہ اپنے انتہائی مخلص، بااعتماد اور بھائی عرفان صدیقی کی وفات بڑا دکھ ہے، عرفان صدیقی کا قلم اصول اور حریت فکر کی دلیل بنا رہا، عرفان صدیقی سے محبت کا رشتہ تھا، اپنا غم الفاظ میں بیان کرنا ممکن نہیں۔

میاں محمد نوازشریف نے کہا کہ اُن کی وفات ایک عزیز ترین بھائی کا بچھڑ جانا ہے جس کی کمی پوری نہیں ہوسکتی، وہ ایک منفرد لکھاری عاجز مزاج اور روشن دماغ شخصیت تھے۔

یاد رہے کہ مسلم لیگ ن کے سینیٹر عرفان صدیقی گزشتہ روز انتقال کرگئے، دو ہفتے سے اسلام آباد کے نجی ہسپتال میں زیرعلاج تھے، وہ سینیٹ میں مسلم لیگ ن کے پارلیمانی لیڈر تھے، عرفان صدیقی کا شمار نواز شریف کے قریبی ساتھیوں میں ہوتا تھا۔