?️
اسلام آباد: (سچ خبریں) پبلک اکاؤنٹس کمیٹی نے وزیراعظم کی منظوری کے بغیر انجینئرنگ ڈویلپمنٹ بورڈ کے سی ای او کے سروس جاری رکھنے اور انہیں 90 لاکھ روپے کی ادائیگی پر شدید برہمی کا اظہار کیا ہے۔
پبلک اکاؤنٹس کمیٹی کا اجلاس چیئرمین جنید اکبر کی زیر صدارت منعقد ہوا جس میں وزارت صنعت و پیداوار کے آڈٹ پیراز کا جائزہ لیا گیا۔
اجلاس میں وزیراعظم کی منظوری کے بغیر انجینئرنگ ڈویلپمنٹ بورڈ کے سی ای او کو 90 لاکھ روپے کی ادائیگی کا معاملہ زیر بحث آیا۔ کمیٹی ممبران نے بغیر منظوری کے سروس جاری رکھنے پر شدید برہمی کا اظہار کیا۔
کمیٹی کے رکن امین الحق نے سوال اٹھایا کہ ایک شخص نے 2 سال تک بغیر منظوری کے ملازمت کیسے جاری رکھی؟ اراکین نے چیئرمین پی اے سی سے سخت ایکشن لینے پر زور دیا۔
سیکرٹری صنعت و پیداوار نے وضاحت دی کہ سی ای او کی تعیناتی کا عمل جاری تھا، لیکن مناسب امیدوار نہیں مل سکا، اس پر چیئرمین پی اے سی نے برہمی کا اظہار کرتے ہوئے کہا کہ ’یہ کیا مذاق ہے کہ آپ کہہ رہے ہیں کہ بندہ بڑا قابل تھا؟‘، نوید قمر نے کہا کہ ’یہ حکومت کے نظام میں ایک بڑے مسئلے کی نشاندہی کرتا ہے‘۔
ثنااللہ مستی خیل نے سخت الفاظ میں تبصرہ کیا کہ ’اس سے زیادہ تو جنگل کا قانون بہتر ہوتا ہے‘۔
پبلک سیکٹر انٹرپرائزز کے آڈٹ پیراز میں پاکستان اسٹیل ملز کی زمین کی لیز کے معاملے پر بحث ہوئی، آڈٹ حکام نے بتایا کہ 2 ارب سے زائد کی ریکوری نہیں کی جا سکی۔
چیئرمین پی اے سی نے وزارت صنعت و پیداوار کو معاملہ 25 دن میں حل کرنے کی ہدایت کی اور خبردار کیا کہ حل نہ ہونے پر کیس ایف آئی اے کو بھیج دیا جائے گا، پاکستان اسٹیل ملز 75 کروڑ کی زمین کے تحفظ میں ناکام رہی۔
چیئرمین پی اے سی نے سوال اٹھایا کہ ’کیا نیب کو یہ معاملہ نظر نہیں آیا؟‘، لیکن نیب حکام تسلی بخش جواب نہ دے سکے۔
آڈٹ حکام نے بتایا کہ بریگیڈیئر (ر) سعید اللہ خان، لیفٹیننٹ جنرل ریٹائرڈ سہیل ملک، شہزاد علی اور منظور حسین کو زمینیں لیز پر دی گئیں، چیئرمین پی اے سی نے نیب سے دو ماہ میں معاملے کی رپورٹ طلب کرلی۔
اجلاس میں اسٹیل مل کی 11 ایکڑ زمین پر قبضے کا معاملہ بھی سامنے آیا، سیکرٹری انڈسٹریز اینڈ پروڈکشن نے بتایا کہ 2 ایکڑ زمین واگزار کرالی گئی ہے اور معاملہ ایس آئی ایف سی کے ساتھ اٹھایا گیا ہے، تاہم، شازیہ مری نے اعتراض کیا کہ “ایس آئی ایف سی ایک ایجنسی ہے، وہ زمین سے متعلق ہدایات نہیں دے سکتی۔
سیکرٹری انڈسٹریز اینڈ پروڈکشن نے 2 ماہ میں زمین واگزار کرانے کی یقین دہانی کرائی جبکہ چیئرمین پی اے سی نے معاملہ نیب کے سپرد کر دیا۔
مشہور خبریں۔
اگر مسلمان متحد رہیں تو اسرائیل قتل عام کی جرات نہیں کرے گا: پزشکیان
?️ 15 ستمبر 2024سچ خبریں: بصرہ پہنچنے کے بعد ایرانی صدر مسعود پزشکیان نے عراقی
ستمبر
صیہونیوں کے ساتھ دوستی کا سعودی عرب کو کیا فائدہ ہوگا؟
?️ 28 ستمبر 2023سچ خبریں: ایک ممتاز فلسطینی تجزیہ نگار نے کہا کہ صیہونیوں کے
ستمبر
صیہونی آباد کاروں نے فلسطینیوں کے گندم کے کھیتوں کو لگائی آگ
?️ 9 جون 2022سچ خبریں: صیہونی آباد کاروں نے جمعرات کو نابلس کے جنوب میں
جون
امریکی پروفیسر نے اسرائیل کے بارے میں کیا کہا ؟
?️ 13 دسمبر 2023سچ خبریں:امریکی پروفیسر جوآن پی ولاسمل نے لکھا ہے کہ پولز، ہیش
دسمبر
جنگ بندی نے ثابت کر دیا کہ اسرائیل اور امریکہ صرف طاقت کی زبان سمجھتے ہیں: البخیتی
?️ 24 جون 2025 سچ خبریں: یمن کی انصاراللہ تحریک کے سیاسی دفتر کے رکن
جون
مزاحمت خطے میں ایک مستحکم تحریک ہے: باقری
?️ 1 جون 2024آج صبح امام خمینی کی رحلت کی 35ویں برسی کے موقع پر
جون
عراق سے نکلنے کے امریکی وعدہ ڈاما ڈول
?️ 16 دسمبر 2021سچ خبریں: الفتح اتحاد نے اس بات پر زور دیا کہ عراق
دسمبر
نوشہرو فیروز میں 30 دن کیلئے دفعہ 144 نافذ کردی گئی
?️ 21 مئی 2025نوشہروفیروز (سچ خبریں) صوبہ سندھ کے ضلع نوشہرو فیروز میں 30 دن
مئی