?️
اسلام آباد: (سچ خبریں) جماعت اسلامی نے الیکشن التوا کے حق میں سینیٹ قرارداد کو ملک اور جمہوریت کے خلاف سازش قرار دے دیا۔
ڈان نیوز کے مطابق اپنے بیان میں امیر جماعت سراج الحق نے کہا کہ جمہوریت کی گاڑی پٹڑی سے اتر گئی تو اسے کون ٹریک پر چڑھائے گا۔
انہوں نے کہا کہ بدامنی کی وجہ سے الیکشن ملتوی کرنا بدامنی پھیلانے والوں کے سامنے ہتھیار ڈالنے کے مترادف ہوگا۔
ان کا کہنا تھا کہ ملک میں امن و استحکام شفاف اور بروقت الیکشن سے ہی آئے گا، شفاف الیکشن کے ذریعے اپنے نمائندے منتخب کرنا عوام کا حق ہے اور عوام کو کسی صورت اس بنیادی حق سے محروم نہیں کیا جاسکتا۔
امیر جماعت اسلامی نے واضح کیا کہ جماعت اسلامی 8 فروری کو پورے ملک میں صاف شفاف انتخابات چاہتی ہے۔
واضح رہے کہ سینیٹ میں منظور ہونے والی قرارداد کے خلاف مختلف سیاسی جماعتوں اور آئینی ماہرین کی آرا سامنے آرہی ہیں اور وہ اسے بےحیثیت قرار دے رہے ہیں۔
کچھ دیر قبل ایوان بالا (سینیٹ) نے ملک میں 8 فروری کو ہونے والے عام انتخابات ملتوی کرنے کی قرارداد کثرت رائے سے منظور کرلی تھی۔
سرکاری نشریاتی ادارے پاکستان ٹیلی ویژن (پی ٹی وی) نے رپورٹ کیا کہ قرارداد خیبرپختونخوا سے تعلق رکھنے والے آزاد سینیٹر دلاور خان نے پیش کی۔
ڈان نیوز کے مطابق قرارداد کی منظوری کے وقت سینیٹ میں صرف 14 ارکان موجود تھے، قرارداد کے وقت سینیٹ میں کورم پورا نہیں تھا۔
سینیٹر دلاور خان نے کہا کہ ملک کے بعض علاقوں میں شدید سردی کا موسم ہے، سیاسی جماعتوں نے اپنے تحفظات کا اظہار کیا ہے۔
ان کا کہنا تھا کہ بعض سیاسی جماعتوں کے رہنماؤں کو سیکیورٹی خطرات ہیں، انٹیلی جنس ایجنسیز نے ریلیوں پر حملوں کا سیکیورٹی الرٹ جاری کیا ہے۔
سینیٹر دلاور خان نے کہا کہ کورونا کا معاملہ بھی اس وقت ہے، 8 فروری کو انتخابات ملتوی کرنے چاہئیں۔
منظور کردہ قرارداد میں کہا گیا ہے کہ ملک میں سیکیورٹی کےحالات انتہائی خراب ہیں، مختلف علاقوں میں موسم سرما اپنی انتہا پر ہے، بلوچستان اور خیبرپختونخوا کے مختلف علاقوں میں حالات کشیدہ ہیں، فروری میں ہونے والے انتخابات کو ملتوی کیا جائے۔
قرار داد کے متن کے مطابق موزوں وقت تک الیکشن کمیشن انتخابات ملتوی کرے۔


مشہور خبریں۔
امریکہ کی جانب سے اسرائیل کی غیر مشروط مدد زمانہ ختم
?️ 9 جون 2021سچ خبریں:امریکی کے جریدہ نے لکھا ہے کہ غزہ کی پٹی میں
جون
امریکہ غزہ میں اسرائیل کے جرائم میں شریک ہے۔ ہمیں غزہ میں داخل ہونا چاہیے
?️ 7 ستمبر 2025سچ خبریں: "صمود” بین الاقوامی یکجہتی بیڑے کے ایک امریکی رکن نے
ستمبر
امریکہ اسرائیل کی سلامتی کے لیے پرعزم
?️ 8 اکتوبر 2024سچ خبریں: امریکی ریپبلکن پارٹی کے سینیئر سینیٹر لنڈسے گراہم نے الاقصیٰ طوفان
اکتوبر
شام کا عرب لیگ سے باہر ہونا عرب ممالک کے لیے باعث شرم ہے:فلسطینی مزاحمتی تحریک
?️ 12 جنوری 2022سچ خبریں:فلسطینی مزاحمتی تحریک الفتح کی مرکزی کمیٹی کے سکریٹری جبریل الرجوب
جنوری
صنعا ایئرپورٹ کی بندش سے ہزاروں مریض ادویات سے محروم ہو رہے ہیں
?️ 21 نومبر 2025 صنعا ایئرپورٹ کی بندش سے ہزاروں مریض ادویات سے محروم ہو
نومبر
چین کے بعد روس نے بھی طالبان کے حوالے سے اہم بیان جاری کردیا
?️ 15 جولائی 2021ماسکو (سچ خبریں) چین نے طالبان کو اہم پیشکش کرتے ہوئے اور
جولائی
صیہونیوں سے براہ راست جنگ شروع کرنے کے خلاف جہاد اسلامی کی سخت وارننگ
?️ 2 نومبر 2021سچ خبریں: المیادین کے مطابق جہاد اسلامی تحریک کے رہنماوں میں سے ایک
نومبر
ملک میں کورونا وائرس پھر سے پھیل رہا ہے
?️ 26 جولائی 2021اسلام آباد(سچ خبریں) ملک بھر میں کورونا وائرس سے مزید 32 افراد
جولائی