اسماعیل ہنیہ کی شہادت پر مولانا عبدالغفور حیدری کا ردعمل

?️ 1 اگست 2024

سچ خبریں: جمعیت علمائے اسلام کے رہنما مولانا عبدالغفور حیدری نے اسماعیل ہنیہ کی شہادت کو ایک بڑا صدمہ قرار دیا ہے اور کہا ہے کہ وہ ایک عظیم شخصیت تھے۔

اسلام آباد میں پریس کانفرنس کرتے ہوئے مولانا عبدالغفور حیدری نے کہا کہ اسماعیل ہنیہ ایران کی دعوت پر وہاں گئے تھے، کیا یہ ایران کی سیکیورٹی فورسز کی ناکامی سمجھی جائے؟ بظاہر اسرائیل نے جنگ کو وسعت دینے کی کوشش کی ہے۔

یہ بھی پڑھیں: اسماعیل ہنیہ کی شہادت کے بارے میں ذلفی بخاری کا بیان

انہوں نے مزید کہا کہ اسماعیل ہنیہ مسلسل اسرائیلی قبضے کے خلاف جدوجہد کرتے رہے ہیں، ان کے بیٹے، اہلیہ، بیٹی اور کئی خاندان کے افراد کو شہید کیا گیا۔

انہوں نے کہا کہ امریکہ اور اسرائیل کی کوشش ہوتی ہے کہ مخالفین کو چن چن کر قتل کرائیں۔

مولانا عبدالغفور حیدری نے کہا کہ مسلم دنیا اب تک صرف بیانات تک محدود رہی ہے اور کوئی عملی اقدام نہیں کیا گیا۔

فلسطین اپنی جنگ اکیلے ہی لڑ رہا ہے، اگر مسلم دنیا صرف دو روز کے لیے تیل کی فراہمی بند کر دے تو امریکہ اور اسرائیل گھٹنے ٹیکنے پر مجبور ہو جائیں گے۔

مزید پڑھین: اسماعیل ہنیہ کا قتل اسلامی امت کو کیا پیغام دیتا ہے؟ وفاقی وزیر دفاع کی زبانی

جے یو آئی کے رہنما نے یہ بھی کہا کہ او آئی سی اور عرب لیگ کس کام کی ہیں؟ جمعے کو ملک بھر میں اسماعیل ہنیہ کی شہادت پر مظاہرے کیے جائیں گے۔