واٹس ایپ کی وہ سہولت جس سے اکثرصارفین واقف نہیں

?️ 4 اکتوبر 2021

سان فرانسسکو(سچ خبریں) واٹس ایپ نے صارفین کے لئے ایک ایسا فیچر متعارف کیا ہے جس کے ذریعہ صارفین اپنے ہی نمبر کے اکاؤنٹ سے اپنے نمبر پر میسیج کر سکتے ہیں ،واٹس ایپ کے دنیا بھر میں دو ارب سے زائد صارفین ہیں، جو پیغام رسانی، انٹرنیٹ کالنگ کے لیے اسی موبائل ایپ کو ترجیح دیتے ہیں۔

کمپنی کی جانب سے بھی صارفین کے لیے آئے روز نت نئے فیچرز متعارف کرائے جاتے ہیں، ان میں سے کچھ سہولیات تو ایسی ہیں جب کے بارے میں لوگوں کو علم نہیں ہے۔آج ہم آپ کو واٹس ایپ کی ایک ایسی سہولت کے بارے میں بتائیں گے، جس سے بہت کم ہی صارفین واقف ہیں یا اُس کو استعمال کرتے ہیں۔یہ سہولت کیا ہے؟ ویسے تو آپ اس بات سے واقف ہوں گے کہ واٹس ایپ پر تحریری، تصویری یا صوتی پیغام بھیجنے کے لیے کسی نمبر کا انتخاب کرنا ضروری ہوتا ہے۔

عام طور پر واٹس ایپ پر پہلی باراکاؤنٹ بنانے والے صارفین طریقہ کار مکمل ہونے کے بعد کسی کو ٹیسٹ میسج بھیجتے ہیں یا بہت سے لوگ انٹرنیٹ کنکشن کو چیک کرنے کے لیے ایسا کرتے ہیں۔آج ہم آپ کو یہ بتائیں گے کہ آپ کو آزمائشی پیغام کسی اور کے نمبر پر بھیجنے کی ضرورت نہیں ہے کیونکہ آپ یہ اپنے نمبر پر خود بھی بھیج سکتے ہیں۔

یہ بات پڑھ کر آپ حیران ہوں گے کہ ایک ہی نمبر کے اکاؤنٹ سے اپنے نمبر پر میسج کیسے بھیجا جاسکتا ہے۔پہلا یہ کہ آپ اپنے نمبر کو موبائل میں Save کریں اور پھر اُسے سرچ کر کے پیغام بھیجیں۔ دوسرا طریقہ یہ ہے کہ آپ اپنے موبائل میں انٹرنیٹ براؤزر کھولیں اور وہاں ایڈریس بار میں “wa.me//92XXXXXXXXXx ٹائپ کریں، جس کے بعد آپ اپنے نمبر پر پیغام بھیج سکتے ہیں۔پاکستان سے باہر رہنے والے صارفین اپنے ملک کے فون کوڈ کے ساتھ موبائل نمبر درج کر کے پیغام بھیج سکتے ہیں۔