واٹس ایپ، انسٹاگرام اور فیس بُک کی سروس دنیا بھرمیں تعطل کا شکار

?️ 5 اکتوبر 2021

کراچی(سچ خبریں) دنیا بھر میں سماجی رابطے کی ویب سائٹس فیس بک، انسٹاگرام اور واٹس ایپ کی سروس تعطل کا شکار ہوگئیں۔اور صارفین کو مشکلات کا سامنا  کرنا پڑا تینوں ایپلی کیشنز کی سروس کل رات سے متاثر ہوئیں جس کے بعد کئی صارفین نے ٹویئٹر کا رخ کر لیا ، فیس بک نے اس حوالے سے معذرت خواہی بھی ہے۔

تفصیلات کے مطابق دنیا بھر میں واٹس ایپ، فیس بک اور انسٹاگرام استعمال کرنے والے صارفین کو مشکلات کا سامنا ہے، صارفین ایپ تک رسائی حاصل کرنے سے قاصر ہیں۔رپورٹ کے مطابق تینوں ایپلی کیشنز کی سروس شام پانچ بجے سے متاثر ہے۔

فیس بک نے سماجی رابطے کی ویب سائٹ ٹویٹر پر اپنے پیغام میں کہا کہ ہم جانتے ہیں کہ کچھ لوگوں کو ہماری ایپس  تک رسائی میں دشواری ہو رہی ہے۔ ہم چیزوں کو جلد سے جلد معمول پر لانے کے لیے کام کر رہے ہیں اور کسی بھی قسم کی تکلیف کے لیے معذرت خواہ ہیں۔

سوشل میڈیا صارفین کی جانب سے بھی ایپس متاثر ہونے پر ٹویٹس کرنے کا سلسلہ جاری ہے۔ایک صارف نے لکھا کہ ’فیس بک، واٹس ایپ اور انسٹاگرام ڈاؤن ہونے کے بعد صارفین نے ٹویٹر کا رخ کرنا شروع کردیا۔