ایران میں آئی فون کے کئی ماڈلز کی درآمد پر عائد پابندی ختم

?️

سچ خبریں: ایرانی حکومت کی جانب سے آئی فون 14، 15 اور 16 ماڈلز کی درآمد پر پابندی ہٹانے کے بعد بہت جلد ایران میں نئے ماڈلز کے آئی فونز دستیاب ہوں گے۔

ایران میں آئی فون کے نئے ماڈلز پر پابندی 2023 میں لگائی گئی تھی تاہم ایرانی وزیر مواصلات نے کہا ہے کہ حکام نے نئے ماڈلز کی رجسٹریشن کی اجازت دے دی ہے۔

ایرانی مواصلاتی وزیر ستار ہاشمی نے مائیکرو بلاگنگ کی ویب سائٹ ’ایکس‘ پر پیغام میں کہا کہ ایرانی مارکیٹ میں نئے آئی فون ماڈلز کے مسئلے کو حل کردیا گیا ہے اور ایرانی صدر مسعود پزشکیان نے مسئلے کو حل کرنے کے لیے وزارت مواصلات کی کوششوں کو سراہا ہے۔

تاہم ستار ہاشمی نے آئی فون کی درآمدی تاریخ کا اعلان نہیں کیا۔

2023 میں آئی فون کے نئے ماڈلز کی درآمد پر پابندی کے بعد ایران میں آئی فون 13 اور پرانے ماڈل کی مانگ بہت بڑھ گئی تھی۔

ایران میں آئی فون نوجوانوں میں ایک اسٹیٹس علامت کے طور پر دیکھا جاتا ہے۔

پابندی کے دوران ایران میں آئی فون 14، 15 یا کوئی بھی لایا گیا نیا ماڈل ایران کے سرکاری نیٹ ورک کے استعمال کے ایک مہینے بعد کام کرنا چھوڑ دیتا ہے، جبکہ سیاحوں کو ایک ماہ تک ممنوعہ ماڈل کے آئی فون استعمال کرنے کی اجازت ہے۔

نئے ماڈل کے آئی فون پر پابندی کے بعد ایرانی مارکیٹ میں پرانے آئی فونز کی ایک نئی مارکیٹ وجود میں آئی تھی جس کی وجہ سے ان ماڈلز کی مانگ کے ساتھ قیمتوں میں بھی بے تحاشہ اضافہ دیکھنے میں آیا ہے۔

آئی فون کی درآمد ایران میں ایک طویل عرصے سے متنازع مسئلہ رہا ہے، ایرانی حکومت کی جانب سے فراہم کردہ اعداد و شمار کے مطابق پابندی سے قبل ایران کے 4.4 ارب ڈالر موبائل مارکیٹ کا ایک تہائی آئی فون کی درآمد پر مشتمل تھا۔

خیال رہے کہ ایران کے سپریم لیڈر آیت اللہ خامنہ ای نے 2020 میں آئی فون کی درآمد پر تنقید کرتے ہوئے کہا تھا کہ یہ موبائل فونز امریکی پرتعیش اشیا میں سے ہیں۔

علاوہ ازیں دوسری غیر ملکی کمپنیوں کے موبائل فونز بشمول موٹرولا، سیمسنگ، نوکیا اور ہواوے، آئی فون کے مقابلے میں ایران میں بڑی آسانی سے بڑی تعداد میں دستیاب ہیں۔

مشہور خبریں۔

پاکستانی طلبا نے ’اے آئی ٹیکنالوجی کے موثر استعمال‘ پر عالمی اعزاز اپنے نام کرلیا

?️ 27 جون 2025کراچی: (سچ خبریں) اسلام آباد انسٹی ٹیوٹ آف اسپیس ٹیکنالوجی کے طلبا

کورونا: ایس او پیز پر عملدرآمد یقینی بنانے کے لئے ہدایات جاری

?️ 21 مارچ 2021اسلام آباد(سچ خبریں)ملک بھر میں کورونا وائرس کی تیسری لہر کا زور

صیہونی عسکریت پسندوں کا مقبوضہ بیت المقدس میں فلسطینیوں پر حملہ

?️ 30 مئی 2022سچ خبریں:فلسطینی ذرائع نے اطلاع دی ہے کہ صیہونی فوجی دہشتگردوں نے

اردوغان کے بارے میں زلزلہ متاثرین کی شکایات؛ اداسی غصے میں بدلی

?️ 13 فروری 2023سچ خبریں:ترکی میں ہزاروں افراد کی جانیں لینے والے شدید زلزلے کو

کوئی عدالت کشمیریوں کے حقوق کا فیصلہ نہیں کرسکتی، بھارت اپنی حد میں رہے، نگران وزیراعظم

?️ 15 دسمبر 2023مظفر آباد: (سچ خبریں) نگران وزیر اعظم انوار الحق کاکڑ نے کہا

یوکرین کی شکست میں کون سے ممالک شریک ہیں؟

?️ 30 جنوری 2024سچ خبریں: روس کے خلاف یوکرین کی شکست کا تاریخی عمل اجتماعی

انسانی حقوق کی تنظیم کا اماراتی کارکن کی مشتبہ موت کی تحقیقات مطالبہ

?️ 21 جون 2021سچ خبریں:برطانیہ کی انسانی حقوق کی ایک تنظیم نے اس ملک کے

حماس کے ساتھ امریکہ کے براہ راست مذاکرات میں تین بڑی کامیابیاں

?️ 13 مئی 2025سچ خبریں:  الجزیرہ نیٹ ورک کی ایک رپورٹ میں حماس اور امریکہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے