صیہونیوں کا فرانسیسی پارلیمنٹ ارکان کو ویزا دینے سے انکار ؛ 27 ارکان کا سفر منسوخ

سچ خبریں:صیہونی حکومت نے یورپی سیاستدانوں کی فلسطین حمایت پر انتقامی ردعمل کا اظہار کرتے ہوئے 27 فرانسیسی پارلیمنٹیرینز پر مشتمل ایک وفد کے ویزے منسوخ کر دیے۔

الجزیرہ نیوز چینل کی رپورٹ کے مطابق، صیہونی حکومت نے 27 فرانسیسی پارلیمنٹیرینز پر مشتمل ایک وفد کے ویزے منسوخ کر دیے، جو چند دن بعد مقبوضہ فلسطینی علاقوں کا دورہ کرنے والے تھے۔

یہ بھی پڑھیں: فرانسیسی صدر نے اسرائیلی وزیراعظم سے عالمی شخصیات کی جاسوسی کے بارے میں وضاحت طلب کرلی

 ان ارکانِ پارلیمان کا تعلق فرانس کی بائیں بازو کی سیاسی جماعتوں سے ہے، جو فلسطینیوں کی حمایت میں سرگرم رہے ہیں۔

اسرائیلی حکام نے اس فیصلے کا جواز اس قانون کے تحت پیش کیا جس کے مطابق وہ افراد جو صہیونی ریاست کے خلاف رویہ رکھتے ہوں، انہیں ملک میں داخل ہونے سے روکا جا سکتا ہے۔

اس فیصلے کے ردعمل میں فرانسیسی وفد نے ایک بیانیہ جاری کیا جس میں کہا گیا کہ> پہلی بار ایسا ہوا کہ ہماری روانگی سے صرف دو دن قبل، ہمارے ویزے جو ایک ماہ قبل منظور کیے گئے تھے اچانک منسوخ کر دیے گئے، یہ فیصلہ ہمیں ایک اجتماعی سزا کی مانند محسوس ہوتا ہے۔

انہوں نے یہ بھی کہا کہ منتخب عوامی نمائندوں کو سفر سے روکنا ایک سنگین قدم ہے، جس کے اثرات بین الاقوامی سطح پر محسوس کیے جائیں گے۔

متاثرہ ارکانِ پارلیمان نے فرانسیسی صدر امانوئل ماکرون سے مطالبہ کیا کہ وہ اس معاملے میں سفارتی سطح پر فوری مداخلت کریں اور اسرائیل کے اس غیرجمہوری رویے پر جواب طلبی کریں۔

ماہرین کا ماننا ہے کہ غزہ میں اسرائیلی حملوں اور فلسطینی نسل کشی نے یورپ میں بائیں بازو کے سیاستدانوں کو فعال کر دیا ہے، اور یہ ویزا منسوخی دراصل ان کے بڑھتے ہوئے احتجاج اور حمایتِ فلسطین کے خلاف ایک سیاسی انتقام ہے۔

مزید پڑھیں: فرانس اسرائیل کے ساتھ ہے یا مخالف؟

یاد رہے کہ فرانس جیسے اہم یورپی ملک کے منتخب نمائندوں کو ویزا دینے سے انکار ایک سفارتی بحران کی طرف اشارہ ہے، جو نہ صرف اسرائیل اور فرانس بلکہ صہیونی ریاست اور یورپی رائے عامہ کے درمیان تعلقات کو بھی متاثر کر سکتا ہے۔