غزہ میں موجود صیہونی قیدی ایک بار پھر نیتن یاہو کے لیے درد سر

?️ 30 ستمبر 2024

سچ خبریں: عبرانی زبان کے ایک اخبار نے صیہونی حکومت کے وزیر اعظم بنیامین نیتن یاہو کو غزہ سے قیدیوں کی واپسی کے معاملے میں لاپرواہی برتنے پر تنقید کا نشانہ بنایا۔

المیادین چینل کی رپورٹ کے مطابق صیہونی اخبار ہارٹیز اخبار نے اپنی ایک رپورٹ میں لکھا ہے کہ صیہونی وزیر اعظم بنیامین نیتن یاہو اب غزہ سے قیدیوں کی واپسی کے معاملے پر کوئی توجہ نہیں دے رہے۔

یہ بھی پڑھیں: جنگ بندی کے بغیر اسرائیلی قیدی غزہ سے زندہ واپس نہیں آئیں گے: حمدان

رپورٹ میں مزید کہا گیا ہے کہ یحییٰ السنوار وہ واحد شخصیت ہیں جو حماس تحریک میں قیدیوں کے تبادلے کے معاہدے کو مکمل کر سکتے ہیں لیکن وہ اکیلے اس معاہدے کی ناکامی کا سبب نہیں بن سکتے۔

اخبار نے لکھا کہ نیتن یاہو قیدیوں کی واپسی کی ضرورت پر بات کرتے ہیں لیکن ان کی تمام تر توجہ حزب اللہ کے ساتھ علاقائی جنگ پر مرکوز ہے۔

یاد رہے کہ اب تک صیہونی قیدیوں کے خاندانوں نے صیہونی حکام، خاص طور پر نیتن یاہو کے خلاف کئی مظاہرے کیے ہیں کیونکہ وہ قیدیوں کو واپس لانے میں ناکام رہے ہیں۔

مزید پڑھیں: اسرائیل کو غزہ سے قیدیوں کی واپسی کی قیمت بہت بھاری پڑے گی

قابل ذکر ہے کہ مظاہرے میں صیہونی قیدیوں کے اہلخانہ نے نعرے لگائے کہ حماس! نیتن یاہو کو لے جاؤ ہمارے بیٹوں کو واپس کردو