غزہ میں صیہونی کارروائیاں نسل کشی اور جنگی جرائم ہیں:ایمنسٹی انٹرنیشنل

سچ خبریں:ایمنسٹی انٹرنیشنل نے اسرائیل کے ہاتھوں غزہ میں جاری محاصرہ اور انسانی بحران کو نسل کشی اور اجتماعی سزا قرار دیا ہے۔ ادارے نے عالمی برادری سے فوری مداخلت کا مطالبہ کیا ہے۔

انسانی حقوق کی عالمی تنظیم (Amnesty Internationalنے اسرائیل کی غزہ میں جاری فوجی کارروائی اور محاصرے کو نسل کشی (Genocideاور جنگی جرم (War Crimeقرار دیتے ہوئے، فوری عالمی مداخلت کا مطالبہ کیا ہے۔

یہ بھی پڑھیں:امریکہ غزہ کے لوگوں کی نسل کشی میں برابر شریک 

 ایمنسٹی انٹرنیشنل کے بیان میں کہا گیا ہے کہ غزہ کا جاری سخت اور غیر انسانی محاصرہ اسرائیلی ریاست کے نسل کشانہ ارادے کو ظاہر کرتا ہے،محاصرہ اجتماعی سزا (Collective Punishmentکی صورت ہے،غذائی قلت، دوا کی عدم دستیابی، اور بنیادی سہولیات کی تباہی، عام شہریوں کے خلاف دانستہ ہتھیار کے طور پر استعمال ہو رہی ہیں

غزہ میں طبی امداد کے شعبے کے سربراہ محمد المغیر نے الجزیرہ کو بتایا کہ غزہ نے اپنی تاریخ میں ایسی سنگین انسانی صورت حال کبھی نہیں دیکھی۔ عالمی اداروں کو فوری قدم اٹھانا ہوگا، ورنہ صحت اور بقا کا نظام مکمل طور پر منہدم ہو جائے گا۔

 غزہ کے زیادہ تر اسپتال، کلینک اور طبی مراکز اسرائیلی بمباری سے تباہ ہو چکے ہیں بچوں کے لیے خوراک کی شدید قلت ہے

مزید پڑھیں:غزہ کی جنگ نسل کشی تھی، ناکہ فوجی آپریشن 

المغیر نے مزید کہا کہ  ہم اس بات پر حیران ہیں کہ دنیا اس کھلی نسل کشی پر خاموش کیوں ہے؟ یہ صرف جنگ نہیں، بلکہ انسانیت کا قتل ہے۔